Ўзбекистонда 30 декабрь куни 135 нафарга яқин кишида коронавирус инфекцияси аниқланди, яна ўлим ҳолати қайд этилмади, дея хабар бермоқда Соғлиқни сақлаш вазирлиги.
Қайд этилишича, 2021 йил 30 декабрь ҳолатига кўра, Ўзбекистонда 134 нафар кишида коронавирус инфекцияси қайд этилиб, уларнинг умумий сони 198 903 нафарни ташкил этмоқда.
Янги касалланиш ҳолатларининг 11 таси – Андижон вилояти, 9 таси – Бухоро вилояти, 7 таси – Жиззах вилояти, 8 таси – Қашқадарё вилояти, 1 таси – Навоий вилояти, 4 таси –Наманган вилояти, 15 таси – Самарқанд вилояти, 1 таси – Сирдарё вилояти, 1 таси – Сурхондарё вилояти, 6 таси – Фарғона вилояти, 14 таси – Хоразм вилояти, 24 таси –Тошкент вилояти, 33 таси – Тошкент шаҳрида аниқланган.
Касалликдан соғайганлар 172 тага кўпайиб жами 196 012 нафарга етди ва соғайиш кўрсаткичи 98 фоизни ташкил этмоқда.
Маълумот учун, 29 декабрь куни ҳам Ўзбекистонда коронавирус касаллигидан ўлим ҳолати қайд этилмаганди.
Изоҳ (0)