Ҳеч нарса сотиб олмай, гўзал бўлинг: косметикадан пул тежашга ёрдам берадиган тавсиялар

Кўриниш ўзига хос бўлиши учун ортиқча пул сарфлашга ҳожат йўқ. «Домашний очаг» нашри томонидан тақдим қилинган тавсияларга амал қилиш орқали ҳам кўнгилдагидек мақсадга эришса бўлади.

Соч толалари учун кокос ёғи

Шикастланган соч толаларини тиклашга ёрдам берадиган косметик восита йўқ бўлса, кокос ёғидан фойдаланиш тавсия қилинади. Таркибида фойдали моддалар мужассам экани ҳисобига тери ва соч толаларига яхши таъсир қилди.

Пуркагичли сув косметик восита сифатида

Жазирама иссиқда термал сув ўрнига оддий пуркагичдан фойдалансангиз бўлади. Бунинг учун идиш ичидаги сувга денгиз тузи қўшсангиз кифоя. Бу теридаги муаммоларни бартараф қилишга ёрдам бериши мумкин.

Намлантирилган салфетка сочларнинг токланишини бартараф қилишга ёрдам беради

Узун сочларни токланишининг олдини олиш учун намлантирилган салфеткадан фойдалансангиз ҳам бўлади.

Йогуртдан юзга крем ва ниқоб сифатида фойдаланиш мумкин

Қуёш нурлари куйдирганда махсус восита ўрнига қатиқ, йогурт ёки сметанадан фойдалансангиз бўлади.

Ундан тайёрланган ниқоб билан сочлар ҳолатини тиклаш, шикастланишларни бартараф қилиш мумкин.

Олма сиркасидан тоник сифатида фойдалансангиз бўлади

Олма сиркаси тери ялтирашининг олдини олишга ёрдам беради. Бунинг учун олмали сиркадан пахта дискига томизиб, юзнинг Т-қисмига суртишнинг ўзи кифоя.

Зайтун ёғидан макияжни тозаловчи восита сифатида фойдаланса бўлади

Макияжни сув ва зайтун ёғи ёрдамида ўчириш терининг бахмалдек тиниқ кўринишига сабаб бўлади.

Пакетли чой кўз остидаги ҳалқаларни йўқотишга ёрдам беради

Чой барглари таркибидаги кофеин кўз остида акс этган чарчоқларни кетказишга ёрдам беради. Бунинг учун чой пакетчаларини совуқ сувда намлаб, 5-10 дақиқа кўз остига қўйиш керак.

Скотч подводкани текис суртишга ёрдам беради

Подводкани текис қилиб суртишга қийналадиганлар скотчдан фойдаланса бўлади.

Ичимлик содаси тишларни тозалашга ёрдам беради

Тиш пастасини ичимлик содасига аралаштиринг. Бундай аралашма чой ва қаҳвадан қолган доғларни кетказишга ёрдам беради.

Сули ёрмасидан ванна

Таркибида терини намлантириш хусусиятига эга бўлган ёғлар бўлгани сабаб сули ёрмасидан тайёрланган ванна фойдали ҳисобланади. Бунинг учун сув тўлдириш ва унга 200-300 грамм сули ёрмаси қўшиш кифоя.

Жигарранг шакардан тери учун скраб тайёрланг

Жигарранг шакар — тери учун идеал скраб. У тери ҳужайраларининг янгиланишига ёрдам беради. Бунинг учун фойдаланадиган душ гелига шакар аралаштиринг ва терига массаж ҳаракатлари билан суртинг.

Атир узоқ туриши учун вазелиндан фойдаланинг

Атир сепишдан олдин бўйин ёки билак соҳасига вазелин суртинг. Ёғланган терига сепилган атир ифори узоқ вақт туради.

Тиш чўткаси ва пастаси ёрдамида тирноқдаги сарғайишни кетказинг

Тиш чўткаси ва оқартирадиган пастадан фойдаланиб тирноқнинг сарғайишини кетказиш мумкин. Гап шундаки, паста таркибидаги водород периоксиди тирноқдаги доғларни кетказиш хусусиятига эга.

Тиш ювиш пастасидан кумуш буюмларни ювишда фойдаланинг

Тиш ювиш пастасидан, шунингдек, кумуш буюмларни тозалашда ҳам фойдаланса бўлади. Қорайган кумуш узукни ушбу восита билан ювгандан кейин ижобий натижа дарҳол кўзга ташланади.

Қаҳва ва ўсимлик ёғидан скраб

Қаҳвага бир неча томчи ўсимлик ёғи томизиб, танангизга суртинг. Қаҳва таркибидаги кофеин селюллитга қарши курашишда самара беради, ёғ эса терини намлантиради.