O‘zbekistonda 27-dekabr kuni 100 kishida koronavirus qayd etilib, mamlakatda pandemiya boshidan beri koronavirusga chalingani rasman tasdiqlanganlar soni 198 487 nafarga yetdi. Bu haqda Sog‘liqni saqlash vazirligi matbuot xizmati xabar berdi.
Yangi kasallanish holatlarining
- 10 nafari Andijon viloyatida,
- 7 nafari Buxoro viloyatida,
- 2 nafari Jizzax viloyatida,
- 9 nafari Qashqadaryo viloyatida,
- 4 nafari Namangan viloyatida,
- 12 nafari Samarqand viloyatida,
- 2 nafari Sirdaryo viloyatida,
- 1 nafari Surxondaryo viloyatida,
- 7 nafari Farg‘ona viloyatida,
- 10 nafari Xorazm viloyatida,
- 1 nafari Toshkent viloyatida,
- 35 nafari Toshkent shahrida
“Gazeta.uz”ning yozishicha, shundan keyin kunlik aniqlangan holatlar soni 100 tadan pastga tushmagan. Aprel oyida kasallanish taxminan 200 tadan deyarli 450 taga ko‘paygan. May oyida maksimal ko‘rsatkich 452 (5-may), iyunda — 546 (25-iyun), iyulda — 924 (30-iyul), avgustda — 974 (5-avgust), sentabrda — 736 (1-sentabr, oy oxiriga kelib esa pasayish kuzatildi), oktabrda — 487 (6-oktabr), noyabrda — 294 (11-noyabr), dekabrda — 278 (10-dekabr) tani tashkil etdi.
Bugungi kunga qadar O‘zbekistonda koronavirusga qarshi 38,6 million dozadan ortiq vaksina qo‘llanilgan, shu jumladan, 18,7 milliondan ortiq kishi birinchi dozani (emlanishi kerak bo‘lgan aholining 87,4 foizi), 13,2 million nafari ikkinchi va 6,6 million nafari uchinchi dozani olgan. Vaksinatsiyaning to‘liq kursi emlanishi kerak bo‘lgan aholining 61,9 foizida yakunlandi.
Avvalroq Toshkentda koronavirus qurbonlari bo‘lgan tibbiyot xodimlari xotirasiga xiyobon tashkil etilishi, Zangiotadagi yuqumli kasalliklar shifoxonasida pnevmoniya va COVID-19 ga chalingan qancha bemor davolanayotgani to‘g‘risida ma’lumot berilgandi.
Izoh (0)