Бугун,

  • USD 11095.31
  • RUB 173.84
  • EUR 10772.44

Маданият вазири Озодбек Назарбеков 20 декабрь куни пойтахтда «Тошкент ёшлар форуми–2021» доирасида ёшлар билан бўлиб ўтган учрашувда ижтимоий тармоқларда вазирлик ходимларининг дўппи кийиши ҳақидаги муҳокамалар бўйича тўхталди. Бу ҳақда «Дарё» мухбири хабар бермоқда.

Фото: «Дарё» / Мадина Нурман

Фото: «Дарё» / Мадина Нурман

Учрашув чоғида Ўзбекистон давлат санъат ва маданият институти 3-курс талабаси Самандар Мирзаев Озодбек Назарбековнинг дўппида кириб келишини кутганини билдирди.

Шундан сўнг маданият вазири чўнтагидан дўппини олиб, бошига кийди ва ва модератор Жамшид Умурзоқов талабага «Энди саволингизни ҳам дўппида берасиз», дея ҳазил қилди. Озодбек Назарбеков ижтимоий тармоқларда вазирлик ходимларининг дўппи кийиши ҳақидаги муҳокамаларга ҳам изоҳ бериб кетди.

Фото: «Дарё» / Мадина Нурман

Фото: «Дарё» / Мадина Нурман

«Мана шу дўппи масаласи кўтарилишини билиб чўнтагимга солиб келгандим. Ўрни келганда айтиб ўтсам, бу мавзу ижтимоий тармоқларда анча муҳокама бўлди. Лекин бу муҳокама бўлишга арзийдиган ишми, йўқми? Менимча, ёшлар хулоса чиқаргансизлар. Ўзбекистонда яшаётган ҳар бир миллат вакили ўз бош кийимини тарғиб қилиш ҳуқуқига эга. Буни ҳеч ким негатив ўлароқ тарқатишга ҳаққи ҳам йўқ, унга тақиқ қўйишга ёки қандайдир эътироз билдиришга ҳаққи йўқ», – дейди у.

Маданият вазирининг сўзларига кўра, шу кунларда ёшлар орасида бошқа миллатларнинг бош кийимларига ишқибоз бўлиш, уларни кийиб, тарғиб қилиш кўпаяётгани ҳақида гапирди.

«Шунинг учун бу нарса бизнинг ўз бош кийимимиз бор ва у бошқа миллатларнинг бош кийимидан кам эмас, деган маънода таклиф этилди. Ким қабул қилади, ким қабул қилмайди, ўзининг ихтиёрида. Лекин шахсан мен ўзбеклигимдан фахрланаман», – дея қўшимча қилди Назарбеков.

Аввалроқ Озодбек Назарбеков Маданият вазирлиги ходимлари эндиликда одатдаги иш кунида дўппи кийиб юришини маълум қилганди.

Изоҳ
Asosiy yangiliklar
Маҳаллий
Ўзбекистонда бензин нархларини сунъий оширган АЁҚШларга тегишли чора кўрилиши маълум қилинди
Дунё
Арманистонда 25 минг инсон умрига зомин бўлган зилзила, Япониянинг Перл-Ҳарборга ҳужуми ва Жанубий Корея қамоқхонасида 40 йил ўтирган КХДР фуқароси. Кун хронология...
Спорт
ЖЧ—2022 да барча чорак финал жуфтликлари маълум бўлди