Бухорода аёл ўзига шахсий мулк сифатида тегишли бўлган дўконни Когон шаҳар ҳокимлигига беғараз топширди. Шаҳар ҳокими 15 декабрь куни савдо дўконини ҳокимият балансига олиш бўйича қарорни чиқарган.
Унга кўра, 6 декабрь куни фуқаро Х.Рашидованинг ўзига шахсий мулк сифатида тегишли бўлган Когон шаҳар бош бекати ҳудудидаги савдо дўкони Когон шаҳар ҳокимлигига беғараз топшириши тўғрисидаги ёзган аризаси маълумот ва ижро учун қабул қилинган.
Шаҳар ҳокими ўринбосари А.Аминов, шаҳар ҳокимлиги бош ҳисобчиси Г.Нишонова, «Когон уй-жойлар ва нотурар жойлардан фойдаланиш ва ҳисобга олиш» давлат унитар корхонаси раҳбари Ж.Ишанқуловга Когон шаҳар бош бекат ҳудудидаги ҳажми 60 квадрат метр бўлган савдо дўконини нотариал идораси билан биргаликда белгиланган тартибда қабул қилиш ишларини амалга ошириш чораларини кўриш топширилган.
Эслатиб ўтамиз, декабрь бошларида Тошкент шаҳрида Латипова Зиёда исмли аёл ўзининг Mercedes-Benz S500 Hybrid машинасини шаҳар ҳокимлигига текинга берганди. Коррупцияга қарши курашиш агентлиги директори Акмал Бурҳонов Тошкент шаҳар ҳокимлигига Mercedes-Benz совға қилинишида қонун бузилиши бўлмаганини айтган.
Изоҳ (0)