Instagram: Юбилей ёшини нишонлаётган Мирзабек Холмедов, кўчирмакашликда айбланаётган Юлдуз Усмонова, ИИВ томонидан мукофотланган Паризода

Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларини эътиборингизга ҳавола этамиз.

Хонанда Ботир Қодиров Ҳиндистонда ҳиндча тўйда меҳмон бўлди.

«Қора ният» сериали юлдузи Несрин Жевадзаде севгилиси, актёр Гокҳан Алканни туғилган куни билан табриклади.

Ўзбекистон халқ артисти Юлдуз Усмонова плагиатда айбланмоқда. Интернет фойдаланувчиларининг фикрича, унинг «Муҳаббат» қўшиғи мусиқаси бошқа бир хонанда Ренат Собировнинг қўшиғи мусиқасига жуда ўхшаш.

Муниса Ризаева болалигидаги ноёб суратни саҳифасига жойлади.

Ўзбек миллий академик театри актрисаси Кумуш Ўктамова қиз фарзандли бўлди. Актрисанинг туғруқхонадан чиқиши ҳақиқий байрамга айланиб кетди. Театр жамоаси унинг хонадонига жам бўлди.

Феруза Норматова янги сурати изоҳига Румийдан иқтибос келтирди.

Озода Нурсаидова «Дўст» деб аталган қўшиғига ишланган клипни тақдим этди. Клипда бош ролларни Алишер Узоқов ва Адиз Ражабов ижро этган.

Зоҳиршоҳ Жўраев ҳам мухлисларига янги сурат билан кўриниш берди.

Раққоса Паризода ва унинг ансамбли ички ишлар вазирлиги томонидан мукофотланди.

Шаҳзода яқин дугонаси билан тушган сурати билан бўлишди.

13 декабрь куни таниқли сўз устаси Мирзабек Холмедов 60 ёшга тўлиши муносабати билан барча ҳамкасблари, дўстларини бир даврага жамлади.

12 декабрь куни эса Ўзбекистон халқ артисти Юлдуз Усмонова таваллуд кунини нишонлади.