Муваффақиятга эришгунича кун кечириш учун турли соҳаларда ишлаб кўрган машҳурлар (фото)

Муваффақият, бойлик ва машҳурликка эришмасидан аввал айрим актёр ва актрисалар кўп маротаба ўз касбини ўзгартиришига тўғри келган. Мисол учун, Сильвестр Сталлоне ҳайвонот боғида шер қафасларини тозалаган бўлса, Брэд Питт лимузин ҳайдовчиси бўлиб ишлаган.

Жессика Честейн

Жессика Честейн машҳур актриса бўлишидан олдин бир муддат болалар учун уюштирилган кечаларда аниматор бўлиб ишлаган. У Микки Маус костюмида болаларни хурсанд қилишни яхши кўрган.

Марго Робби

Марго Робби ўсмирлик даврида бир вақтнинг ўзида 3 та жойда ишлаган. Актриса оқсоч, Subway’да сендвич тайёрловчи ва сёрф дўконида сотувчи бўлган.

Меган Маркл

Бўлажак кино юлдузи ва шаҳзода Гаррининг рафиқаси чиройли ҳуснихат эгасидир. Шунинг учун у бир вақтлар мустақил хаттот бўлиб ишлаганидан ажабланмаса ҳам бўлади.

Виктория Бекҳэм

Виктория Бекҳэм ёшлигида промо-модель сифатида ишлаган ва универмагдаги парфюмерия бўлими пештахтаси ортида турган.

Николас Кейж

Таниқли актёр Николас Кейж кўп йиллар олдин Лос-Анжелесдаги машҳур Fairfax театрида бодроқ сотган.

Мэттью Макконахи

Бир вақтлар Мэттью Макконахи Австралияда яшаган ва у ерда бир вақтнинг ўзида ўзини 6 лавозимда, шу жумладан, банк ходими сифатида синаб кўриш имкониятига эга бўлган.

Хью Жекман

2015 йилда Хью Жекман Twitter’да қолдирган постига: «Мана, менинг бир вақтлар масхарабоз бўлганимнинг исботи» деб ёзган эди. Интервьюларнинг бирида эса у ҳақиқатан ҳам болалар байрамида масхарабоз бўлганини айтиб ўтган.

Брэд Питт

Брэд Питт кино юлдузи бўлишдан олдин ўзини бошқа касбларда синаб кўрган. Бир неча ой давомида у лимузин ҳайдовчиси, мебель юкловчи бўлиб ишлаш билан билан бирга актёрлик сабоқларини олган.

Меган Фокс

Меган Фокс суратга тушишни бошлашдан олдин Флоридадаги смузи дўконида ишлаган. Ҳафтада бир марта у банан либосида кўчаларга чиққан ва шу тариқа ҳамманинг эътиборини дўконга қаратган.

Карди Би

Карди Би ўсмирлик чоғидаёқ озиқ-овқат дўконида кассир бўлиб ишлаган. Унинг маоши ҳафтасига 250 долларни ташкил этган.

Сильвестр Сталлоне

Сильвестр Сталлоне «Рокки» юлдузига айланишдан олдин ҳайвонот боғида шерлар қафасини тозаловчиси сифатида ишлаган.

Аманда Сейфрид

Аманда Сейфрид ўсмирлик даврида модель бўлган, 17 ёшида у бу касбни ташлаб, қариялар уйида официант бўлиб ишлаган.