Расман: Ташкилотчилар хатоси сабаб Чемпионлар Лигаси 1/8 финалига қайтадан қуръа ташланади

Европа Чемпионлар Лигаси 1/8 финал босқичига қайтадан қуръа ташлаш маросими ўтказилади. Бу ҳақида УЕФА матбуот хизмати маълум қилди.

Бироз аввал бўлиб ўтган қуръа ташлаш маросими бекор қилинди. Маълум бўлишича, «Атлетико» жамоаси қуръа ташлаш маросимидаги хато сабаб УЕФА га шикоят қилган.

Дастлабки қуръа жараёнида техник хато сабаб «Манчестер Юнайтед» номи «Вильярреал»нинг рақиби аниқланаётган саватчага тушиб қолган. Бунинг кетидан яна учта ҳолатда қоида бузилган: «Атлетико»нинг рақиби аниқланаётганда саватга «Ливерпуль»нинг қўшилиши; «Манчестер Юнайтед»нинг «Атлетико»нинг рақиби аниқланаётган вақтда саватда йўқлиги; «Ливерпуль»нинг «Вильярреал»нинг рақиби аниқланган саватда йўқлиги.

Шу тариқа УЕФА дастлабки қуръа маросимини бекор қилди ва унинг қайтадан ўтказилишини маълум қилди.

1/8 финалга такрорий қуръа ташлаш маросими 13 декабрь куни Тошкент вақти билан 19:00 да бошланади.