«Барселона» «Наполи»га қарши. Европа Лигаси ўтиш ўйинларига қуръа ташланди

Швейцариянинг Ньон шаҳрида 13 декабрь, душанба куни Европа Лигаси мусобақасининг 1/16 финал босқичига қуръа ташланди.

Европа Лигасида ўтиш ўйинлари жорий мавсумда илк бор ўтказилиши кўзда тутилган. Унда мусобақа гуруҳ босқичида иккинчи ўринни эгаллаган жамоалар Чемпионлар Лигаси гуруҳ босқичида 3-ўринни олган клубларга қарши ўйнайди.

Ўз гуруҳида биринчи ўринни олган жамоалар эса 1/8 финалга тўғридан-тўғри йўлланмани қўлга киритган. Ушбу жамоалар рўйхати билан танишинг: «Лион», «Монако», «Спартак Москва», «Айнтрахт», «Галатасарой», «Црвена Звезда», «Байер», «Вест Ҳэм».

Ўтиш ўйини қуръаси қуйидагича кўриниш олди:

• 1-жуфтлик: «Севилья»—«Динамо» Загреб
• 2-жуфтлик: «Аталанта»—«Олимпиакос»
• 3-жуфтлик: «Лейпциг»—«Реал Сосьедад»
• 4-жуфтлик: «Барселона»—«Наполи»
• 5-жуфтлик: «Зенит»—«Бетис»
• 6-жуфтлик: «Боруссия Д»—«Рейнжерс»
• 7-жуфтлик: «Шериф»—«Брага»
• 8-жуфтлик: «Порту»—«Лацио»