Футбол бўйича Италия чемпионатининг 17-туридан ўрин олган бир қатор учрашувлар 12 декабрь, якшанба куни бўлиб ўтди.
«Интер» ўз уйида «Кальяри»ни меҳмон қилди ва рақиб дарвозасига жавобсиз тўртта гол урди. Миланликлар сафида Лаутаро Мартинес дубль қайд этган бўлса, Алексис Санчес ва Хоқон Чалхонўғлу биттадан голга муаллифлик қилди.
Ушбу ғалабадан кейин «Интер» очколарини 40 тага етказиб олган ҳолда биринчи ўринга кўтарилди.
«Эмполи» Патрик Кутроненинг голи эвазига «Наполи»ни мағлубиятга учратди. «Аталанта» эса «Верона» устидан иродали ғалабани қўлга киритди.
А Серия
17-тур баҳслари
12 декабрь, якшанба
«Интер» — «Кальяри» 4:0
Голлар: 1:0 – 29 Мартинес, 2:0 – 50 Санчес, 3:0 – 66 Чалхонўғлу, 4:0 – 68 Мартинес.«Интер»: Ҳанданович, Думфрис (Димарко, 72), де Врей, Шкриньяр, Бастони, Перишич (Занотти, 83), Брозович (Видаль, 72), Чалхонўғлу (Сенси, 76), Барелла, Санчес, Мартинес (Сатриано, 72).
«Кальяри»: Кранё, Белланова, Касерес (Дзаппа, 70), Годин, Карбони (Оберт, 82), Далберт, Деёла (Олива, 82), Марин, Грасси (Ликояннис, 59), Жоао Педро, Кейта Бальде (Паволетти, 70).
Огоҳлантиришлар: Мартинес (33), Кранё (43), Деёла (76).
Изоҳ (0)