“Barselona” “Napoli”ga qarshi. Yevropa Ligasi o‘tish o‘yinlariga qur’a tashlandi

Shveysariyaning Nyon shahrida 13-dekabr, dushanba kuni Yevropa Ligasi musobaqasining 1/16 final bosqichiga qur’a tashlandi.

Yevropa Ligasida o‘tish o‘yinlari joriy mavsumda ilk bor o‘tkazilishi ko‘zda tutilgan. Unda musobaqa guruh bosqichida ikkinchi o‘rinni egallagan jamoalar Chempionlar Ligasi guruh bosqichida 3-o‘rinni olgan klublarga qarshi o‘ynaydi.

O‘z guruhida birinchi o‘rinni olgan jamoalar esa 1/8 finalga to‘g‘ridan to‘g‘ri yo‘llanmani qo‘lga kiritgan. Ushbu jamoalar ro‘yxati bilan tanishing: “Lion”, “Monako”, “Spartak Moskva”, “Ayntraxt”, “Galatasaroy”, “Srvena Zvezda”, “Bayer”, “Vest Hem”.

O‘tish o‘yini qur’asi quyidagicha ko‘rinish oldi:

• 1-juftlik: “Sevilya”—“Dinamo” Zagreb
• 2-juftlik: “Atalanta”—“Olimpiakos”
• 3-juftlik: “Leypsig”—“Real Sosyedad”
• 4-juftlik: “Barselona”—“Napoli”
• 5-juftlik: “Zenit”—“Betis”
• 6-juftlik: “Borussiya D”—“Reynjers”
• 7-juftlik: “Sherif”—“Braga”
• 8-juftlik: “Portu”—“Latsio”