Футбол бўйича Европа Конференциялар Лигасининг 6-туридан ўрин олган ўйинда «Рома» 9 декабрь, пайшанба куни «ЦСКА София» билан баҳс юритди.
«ЦСКА София» меҳмони бўлган «Рома» учрашувнинг 15-дақиқасида Тэмми Абраҳамнинг голи эвазига ҳисобни очди. 34-дақиқада Борха Майораль римликларнинг иккинчи голига муаллифлик қилди. 53-дақиқада Абраҳам дублни расмийлаштирди. 75-дақиқада мезбонлар футболчиси Ҳамза Чатакович ҳисобни қисқартирди. 90+3-дақиқада Яник Вилдсхут ўз ҳисобига гол ёздириб қўйди.
Элдор Шомуродов 68-дақиқада Борха Майоралнинг ўрнига майдонга тушди.
Ушбу ғалабадан кейин «Рома»нинг очколари сони 13 тага етди, жамоа C гуруҳида биринчи ўринни эгаллаб, плей-офф босқичига йўл олди. «Заря» майдонида очко йўқотган «Будё Глимт» эса 2-поғонани эгаллади.
Конференциялар Лигаси
6-тур баҳси
9 декабрь, пайшанба
«ЦСКА София» Болгария – «Рома» Италия 2:3
Голлар: 0:1 – 15 Абраҳам, 0:2 – 34 Майораль, 0:3 – 53 Абраҳам, 1:3 – 75 Чатакович, 2:3 — 90+3 Вилдсхут«ЦСКА София»: Бузатто, Галабов, Матей, Лам, Мазику, Вон (Чатакович, 64), Жеферсон, Мухар, Ёмов (Вилдсхут, 46), Бе (Бисмарк Чарлес, 90+5), Кайседо (Крастев, 63).
«Рома»: Фузато, Карсдорп, Манчини, Кумбула, Рожер, Виня, Верету, Кристанте, Бове (Вильяр, 57), Майораль (Шомуродов, 68), Абраҳам (Заниоло, 67; Дарбо, 85).
Огоҳлантиришлар: Бове (24), Манчини (32), Вон (45), Кумбула (60), Жеферсон (71).
Изоҳ (0)