Макарон ҳақида гап кетганда нима учундир кўпчилик вазн ортиши ҳақида ўйлайди ва озмоқчи бўлган одам энг биринчи бўлиб паста ва лапшаларни рациондан чиқаришга уринади. Сарвқомат бўлишни истаганлар углеводлардан чекланишни афзал билишига қарамай, аслида ҳаммаси бошқачароқ. BBC макаронлар билан боғлиқ эксперимент ўтказган. Унинг доирасида иштирокчиларга ҳар куни бир хилдаги макарон ейишга рухсат берилган. Биргина фарқи — айрим кунларда макаронлар янги тайёрланган, бошқа кунлари совуқ ёки иситилган бўлган. Натижада иситилган макаронлар қондаги қанд миқдорини кескин кўпайтириб юбормаслиги аниқланган. Хулоса қилиб айтиш мумкинки, бу озмоқчи бўлганлар учун энг яхши вариант.
Қандай иш беради?
Оддий усул билан пиширилган макарон таркибидаги крахмал қонда инсулин миқдорини кўтарилишига олиб келади. Аммо паста совиганидан кейин крахмалнинг тузилиши ўзгаради. Бунга нисбатан турғун крахмал деб таъриф берилади ва организмнинг ферментлари билан парчаланиш ўрнига қоринни узоқ вақт тўқ тутиб, қондаги қанд миқдорини меъёрлаштирадиган клетчаткалар ҳосил бўлади.
Бундай паста озиш жараёнида ёрдам беради. Инсулиннинг барқарор даражаси туфайли ёғ эриши блокланмайди, қолаверса, парҳез вақти паста истеъмол қилиш руҳий ҳолатга ҳам ижобий таъсир қилади. Асосийси, олдиндан тайёрланган пастани совитиб, кейин қайта иситиш кераклигини эсда тутиш керак. Ушбу тавсия бошқа крахмалли маҳсулотлар — гуруч ва картошкали таомларга ҳам тааллуқли.
Мавзуга доир:
- Нотўғри парҳез: Нима учун фақат сабзавот ва меваларнинг ўзини истеъмол қилиш мумкин эмас?
- Осон озиш учун нима қилиш керак? Вазн ташлашга ёрдам берадиган 4 тавсия
- Экспертлар қаҳва ичиш учун энг яхши вақтни маълум қилди
- Қоматни сақлаб қоламиз: куз фаслида вазн ортмаслиги учун 5 та маслаҳат
- Умрни узайтиради, ёшликни сақлаб қолади: қаҳванинг соғлиқ учун 10 та фойдаси
Изоҳ (0)