Жорий йилнинг 7 декабрь куни Hyatt Regency Tashkent меҳмонхонасида «Ўзметкомбинат» АЖ облигацияларига обуна кампаниясининг бошланишига бағишланган маросим бўлиб ўтди.
Қора металлургия соҳасидаги энг йирик корхона — «Ўзметкомбинат» АЖ ўз фаолиятидаги энг йирик лойиҳаларидан бири бўлмиш металл қуйиш ва прокат мажмуасининг қурилишини бошлаган ҳамда жорий йилнинг якунига қадар йирик М&А битимини якунлашни режалаштирган. Завод ўз фаолиятини кенгайтиришни молиялаштиришнинг янги стратегияси доирасида 50 миллиард сўмлик облигацияларни чиқармоқда.
«Ўзметкомбинат» АЖ — «Ўзбекистон металлургия комбинати» акциядорлик жамияти қора металлургия бўйича республикадаги етакчи корхона ҳисобланади. Комбинатнинг барча маҳсулотлари мувофиқлик сертификатларига эга, сифат менежменти тизимлари миллий ва халқаро сертификатлаштириш тизимларида сертификатланган. Комбинат республика корхоналари, шунингдек, кичик бизнес ва хусусий тадбиркорлик субъектлари.
Бугунги кунда номинал қиймати 5 000 000 сўм бўлган жами 10 000 дона корпоратив облигациялар чиқарилди. Ушбу эмиссия облигациялари инвесторларнинг чекланмаган доираси орасида очиқ обуна бўйича «Тошкент» Республика фонд бирждасида жойлаштирилади. Эмиссиянинг андеррайтери Freedom Finance МЧЖ ХК ҳисобланади.
Freedom Finance компанияси ижрочи директори Евгений Можейконинг фикрига кўра, «Ўзметкомбинат» облигацияларининг дебют эмиссиясининг жозибадор жиҳатларидан бири бу муомала муддати ҳисобланади. Купон ставкаси номинал қийматидан йиллик 23 фоиз даражасида белгиланган бўлиб, 18 ойлик муомала муддати билан ва йилига 2 марта купон тўловлари даврийлиги билан белгиланади.
«Freedom Finance компанияси ‘Ўзметкомбинат’ АЖ облигацияларини жойлаштириш бўйича тендерда ғолиб чиққан бўлиб, андеррайтинг шартномаси 2021 йил 30 сентябрь куни Тошкент шаҳрида бўлиб ўтган Uzbekistan Economic Forum 2021 доирасида имзоланган. Ушбу жойлаштириш ‘Ўзметкомбинат’ жамияти учун ‘Тошкент’ РФБда облигацияларнинг дебют эмиссияси бўлиб, компанияни 2022 йилга мўлжалланган бўлажак IPOга тайёрлайди. Бундан ташқари, жорий масала компанияга республикадаги энг йирик металлургия комбинатларидан бири сифатидаги мавқеини мустаҳкамлаш имконини беради», — дея таъкидлади Евгений Можейко.
Ўз навбатида «Ўзметкомбинат» АЖ молия директори Татьяна Будей ҳам ушбу жойлаштириш юзасидан ўз фикрларини билдирди.
«Бу бизнинг корхонамиз учун облигацияларнинг дебют эмиссияси. Комбинат инвестиция лойиҳаларини амалга ошириш, капитал бозорида кредит тарихини яратиш ва молиялаштириш манбаларини диверсификация қилиш учун облигациялар чиқаради. Келгусида халқаро фонд бозорларига чиқиш — акцияларнинг қўшимча эмиссиясини амалга ошириш ва еврооблигацияларни жойлаштиришни режалаштирганмиз», — деб маълумот берди Татьяна Будей.
«Ўзметкомбинат» АЖ облигацияларини чиқаришга обуна бўлиш кампанияси доирасида Freedom Finance Ўзбекистон шаҳарларида Road Show ташкил этмоқда. Обуна компаниясини очиб берувчи матбуот анжумани Тошкент, Самарқанд, Бухоро, Қарши, Навоий, Фарғона, Андижон ва Нукус шаҳарларида бўлиб ўтади.
Маълумот учун
Freedom Finance МЧЖ ХК Freedom Holding Corp халқаро гуруҳининг бир қисмидир. Freedom Finance — Қозоғистон, Россия, Германия, Украина, Қирғизистон, Ўзбекистон, Кипр, Озарбайжон, Буюк Британия ва АҚШ каби 10 дан ортиқ давлатда вакили бўлган, халқаро даражадаги тизимни ташкил этувчи инвестиция компанияси ҳисобланади. Холдингнинг бозор капиталлашуви 4,1 миллиард АҚШ долларини ташкил этади.
Буюртма бериш ва қўшимча маълумот олиш учун инвесторлар андеррайтер Freedom Finance МЧЖ ХКга мурожаат қилишлари лозим.
ОАВ учун алоқа рақамлари: Пономарёва Ирина, Ўзбекистондаги Freedom Finance МЧЖ ХКнинг маркетинг бўйича менежери
+99878 147 75 55, 81312
Мобил алоқа учун: +99890 005 51 53
E-mail: ponomareva@ffin.uz
Реклама ҳуқуқи асосида.
Изоҳ (0)