Ўзбекистонда 2 декабрь куни содир бўлган йўл-транспорт ҳодисалари тафсилотларини тақдим этамиз.
Қамчиқда Isuzu ағанади.
2 декабрь куни соат 15:35 да Тошкент–Ўш халқаро автомобиль йўлининг 273-километрида содир бўлган. Автомобиль йўлининг ушбу қисми Қамчиқ довонига тўғри келади. 10 тонна гуруч ортилган Isuzu автомашинаси ёғоч қириндиси олиб кетаётган шу русумдаги бошқа юк машинаси билан тўқнашиб кетган.
Тўқнашув оқибатида ёғоч қириндиси ортилган автомобиль ён томонга ағдарилган. Иккала транспорт воситасининг ҳайдовчилари турли даражада енгил тан жароҳатлари олган бўлиб, уларга ўз вақтида тиббий ёрдам кўрсатилди.
Воқеа жойига ФВВнинг «Қамчиқ» махсус қидирув, ёнғин-қутқарув бошқармаси ходимлари тезкорлик билан етиб келиб, ЙТҲ оқибатларини ўз вақтида бартараф этилган.
Тошкентда Lacetti бошқа бир Lacetti устига чиқиб кетди.
Дастлабки маълумотларга кўра, 2021 йил 2 декабрь куни соат 18:30 ларда, Тошкент шаҳар, Яшнобод тумани, Элбек кўчасида ҳайдовчи Р.Й. (1963 йилда туғилган) бошқарувидаги Lacetti ҳамда ҳайдовчи Б.И. (1988 йилда туғилган) бошқарувидаги яна бир Lacetti автомобиллар иштирокида тўқнашув содир бўлган.
Оқибатда ҳайдовчи Б.И.га биринчи тез тиббий ёрдам кўрсатилган.
Мазкур ЙТҲ юзасидан Тошкент шаҳар ИИББ ЙҲХБ ходимлари томонидан суриштирув олиб борилмоқда.
Изоҳ (0)