Инсонлар иммунитет тизими ҳақида ҳеч қачон ҳозиргидек қайғурмаган бўлса керак. Коронавирус хавфи деярли ҳамма жойда мавжуд, ушбу касалликка қарши курашиш қобилияти ҳар қачонгидан ҳам муҳимроқдир. Шифокорларнинг огоҳлантиришига кўра, иммунитет мустаҳкамловчи дори воситаларининг аксарияти фойдали эмас. Иммунитетни мустаҳкамлашнинг энг яхши усули жисмоний машқлар, тоза ҳавода сайр қилиш, тўғри ва тўйимли овқатланишдир. Тўғри овқатланиш учун, аввало, рационга фойдали ҳамда иммунитетни мустаҳкамловчи маҳсулотларни киритиш лозим.
Фото: «Домашний очаг»
Олма
Шубҳасиз, витаминларга бой олма меваси соғлиқ учун фойдалидир ва клетчаткалар овқат ҳазм қилишни сақлашга ёрдам беради. Бундан ташқари, олма пўстлоғи тиш ва милкдаги зарарли сўлакларни бартараф этади, бу нафақат оғиз бўшлиғи саломатлиги, балки юракни ҳимоя қилиш учун ҳам фойдалидир. Аммо иммунитет ҳақида нима дейиш мумкин? Антиоксидантлар, витамин C ва синк иммунитет тизими учун ҳақиқатан ҳам фойдалидир. Шунинг учун куз ва қишда кунига камида иккита олма истеъмол қилиш тавсия этилади.
D витамини
Бу витаминнинг фойдалари кўпчиликка маълум. Суякларнинг саломатлиги ва мустаҳкамлиги учун муҳим, метаболик жараёнларда асосий рол ўйнайди, мушаклар ва бош оғриғини енгишга ёрдам беради. Бу йилги бир нечта тадқиқотлар D витамини коронавирус ҳужумидан олдин иммунитетни мустаҳкамлаши мумкинлигини тасдиқлади. Эҳтимол, қуёш витаминида бурун шиллиқ қаватининг ҳимоя функцияларини ошириш қобилияти мавжуд – бу вируснинг нафас олиш тизими йўлидаги биринчи тўсиқдир. Аммо шифокорларнинг таъкидлашича, D витаминини ортиқча қабул қилиш хавфли бўлиши мумкин, яъни қонда кальцийнинг тўпланишига ва натижада тромблар шаклланишига олиб келади.
Асал
Анъанавий тиббиётда энг кенг тарқалган дори-дармонлардан бири бу асал бўлиб, у кўпинча шамоллаш, грипп ва бошқа турдаги касалликлар учун тавсия этилади. Лекин бу ҳақиқатан ҳам фойдалими? Афсуски, аксинча: шакар, шу жумладан, табиий асал таркибидаги шакар иммунитет тизимини мустаҳкамламайди, балки бостиради ва шу билан тананинг ҳимоя қобилиятини пасайтиради. Шунинг учун асал истеъмол қилганда эҳтиёт бўлиш ва уни меъёрдан оширмаслик лозим.
Эхинацея
Эҳтимол, энг машҳур иммун тизимни мустаҳкамловчилардан бири эхинацея ўсимлигининг қуритилган илдизлари ва баргларидан олинган дамламадир. Аммо тадқиқотлар ушбу қўшимчанинг фақат вирусли касалликларнинг давомийлигини қисқартиришда, шунингдек, уларнинг кучини камайтиришда самарадорлигини тасдиқлади. Профилактик чора-тадбирлар борасида афсуски, ҳали ҳеч қандай тасдиқ йўқ. Аллақачон касал бўлган беморлар шифокор билан маслаҳатлашган ҳолда ушбу дориворни ўсимлкни қабул қилиши мумкин, аммо, афсуски, иммунитетни мустаҳкамлашда фойда бермайди.
Саримсоқ
Грипп ва шамоллашнинг олдини олиш учун тавсия этилган биринчи восита саримсоқдир. Саримсоқ цинкни ўз ичига олади, бу ўз навбатида иммунитет тизимининг ҳолатига фойдали таъсир кўрсатади ва ташқи ҳужумларни яхшироқ енгишга ёрдам беради. Бундан ташқари, яқинда ўтказилган тадқиқот рух етишмовчилиги коронавируснинг янада оғир кечишига ҳисса қўшишини ва ҳатто ўлим хавфини оширишини тасдиқлади. Шунинг учун саримсоқ рационга қўшишга арзийди, агар, албатта, унга қарши кўрсатмалар бўлмаса.
