O‘zbekistonning mehnat munosabatlari va mehnat migratsiyasi sohalaridagi xorijiy davlatlar va tashkilotlar bilan mavjud hamkorligi doirasida doimiy ravishda ish olib borilmoqda. Xususan, mehnat migratsiyasi gweografiyasini kengaytirish maqsadida Kanada, Fransiya, Latviya, Finlyandiya, Isroil, Bolgariya, Gretsiya, Italiya, Bahrayn, Belgiya, Qatar, Qozog‘iston, Kuvayt, Malayziya, Ozarbayjon, Saudiya Arabistoni, Polsha, Singapur kabi davlatlar bilan hukumatlararo va idoralararo bitim imzolash imkoniyatlari ko‘rib chiqildi. Quyida — shular haqida batafsil.
Bahrayn bilan hamkorlik
“O‘zbekiston bilan Bahrayn o‘rtasida Bahrayn hududidagi O‘zbekiston fuqarosi bo‘lgan mehnat migrantlari va O‘zbekiston hududidagi Bahrayn fuqarosi bo‘lgan mehnat migrantlarining huquq va manfaatlarini himoya qilish to‘g‘risidagi bitim loyihasi ishlab chiqilgan. Mazkur hujjat loyihasi O‘zbekistonning tegishli vazirlik va idoralari takliflari asosidan ko‘rib chiqilib, Vazirlar Mahkamasi tomonidan loyihani Bahrayn tomoni bilan birgalikda ishlab chiqish bo‘yicha topshiriq berilgan. Hozirda bitim loyihasi Bahraynning ma’sul idoralari tomonidan ko‘rib chiqilmoqda.Belgiya bilan hamkorlik
Ta’kidlanishicha, O‘zbekiston Bandlik va mehnat munosabatlari vazirligi bilan Belgiya Bandlik, mehnat va ijtimoiy muloqot federal davlat xizmati o‘rtasida hamkorlik to‘g‘risidagi memorandum loyihasi ishlab chiqilgan. Mazkur hujjat loyihasi bo‘yicha O‘zbekistonning tegishli vazirlik va idoralari takliflari asosidan ko‘rib chiqilib, Vazirlar Mahkamasining loyihani xorijiy tomon bilan birgalikda ishlab chiqish bo‘yicha topshirig‘i olingan. Hozirda hujjat loyihasi Belgiyaning ma’sul idoralari tomonidan ko‘rib chiqilmoqda.Bolgariya bilan hamkorlik
O‘zbekiston va Bolgariya o‘rtasida mehnat migratsiyasini tartibga solish doirasidagi bitim loyihasi ishlab chiqilgan bo‘lib, u O‘zbekistonning tegishli vazirlik va idoralari takliflari asosida ko‘rib chiqilgan. Bitim loyihasi yuzasidan Bolgariya tomoni bilan o‘tkazilgan muzokaralar natijasida, Bolgariya mazkur loyihani 2021-yilgi parlament saylovlari va yangi hukumat shakllanganidan so‘ng ko‘rib chiqish maqsadga muvofiqligini bildirdi.Gretsiya bilan hamkorlik
Ushbu mamlakat bilan bog‘liq ikkita — O‘zbekiston bilan Gretsiya o‘rtasida Gretsiyadagi O‘zbekiston fuqarosi bo‘lgan mehnat migrantlari va O‘zbekiston hududidagi Gretsiya fuqarosi bo‘lgan mehnat migrantlarining huquq va manfaatlarini himoya qilish to‘g‘risidagi bitim hamda O‘zbekiston Bandlik va mehnat munosabatlari vazirligi bilan Gretsiya Mehnat va ijtimoiy masalalar vazirligi o‘rtasida mehnat migratsiyasi sohasida hamkorlik bitimi loyihalari ishlab chiqilgan. Vazirlar Mahkamasi har ikkala bitim loyihasini Gretsiya tomoniga ko‘rib chiqish uchun yuborish hamda imzolash choralarini ko‘rish topshirig‘ini bergan. Hozirda har ikkala bitim loyihasi Gretsiyaning ma’sul idoralari tomonidan ko‘rib chiqilmoqda.Italiya bilan hamkorlik
O‘zbekiston Bandlik va mehnat munosabatlari vazirligi bilan Italiya Mehnat va ijtimoiy siyosat vazirligi o‘rtasida mehnat migratsiyasi sohasida hamkorlik bitimi loyihasi ishlab chiqilgan. Hozirda bitim loyihasi Italiyaning ma’sul idoralari tomonidan ko‘rib chiqilmoqda.Isroil bilan hamkorlik
O‘zbekiston hukumati va Isroil hukumati o‘rtasida Isroil mehnat bozoridagi maxsus sektorlarda o‘zbekistonlik ishchilarni vaqtinchalik ish bilan ta’minlash to‘g‘risidagi bitim loyihasi ishlab chiqilgan. Hujjatning yakuniy loyihasini xorijiy tomon bilan birga ishlab chiqish va imzolash choralarini ko‘rish topshirig‘i olingan. Hozirda mazkur bitim loyihasi Isroilning ma’sul idoralari tomonidan ko‘rib chiqilmoqda.O‘zbekiston va Isroilning vakolatli organlari o‘rtasida 2021-yil avgustda tashkil etilgan videouchrashuvda yuqorida zikr etilgan bitim loyihasini imzolash va O‘zbekiston fuqarolarini Isroilda ish bilan ta’minlash masalalari yuzasidan muzokaralar olib borilgan. Uchrashuv yakunida har ikki tomon vakillari Isroilning vakolatli organlari vakillaridan tashkil topgan delegatsiyaning O‘zbekistonga tashrifini tashkil etish va tashrif mobaynida bitimni imzolashga, Tashqi mehnat migratsiyasi agentligi va Isroil Aholi va immigratsiya xizmati (PIBA) o‘rtasida hamkorlik aloqalarini o‘rnatishga kelishib olgan.
Kanada bilan hamkorlik
O‘zbekiston bilan Kanada o‘rtasida O‘zbekiston fuqarolarini Kanadada vaqtinchalik mehnat faoliyatini amalga oshirish uchun uyushgan holda tanlab olish to‘g‘risidagi bitim loyihasi ishlab chiqilgan. Hujjatning yakuniy loyihasini Kanada tomoni bilan birgalikda ishlab chiqish va imzolash choralarini ko‘rish topshirig‘i berilgan.Mazkur loyiha Kanadaga diplomatik kanallar orqali yuborilgach, Kanada tomonidan turli vajlar bilan rad javoblari olingan. Jumladan, Kanada tomoni mazkur bitim loyihasini pandemiya bilan bog‘liq holat yaxshilanganidan so‘ng ko‘rib chiqishini bildirgan.
Qatar bilan hamkorlik
Qatar hukumati va O‘zbekiston hukumati o‘rtasida Qatar hududida ishchi kuchi bandligini tartibga solish to‘g‘risida bitim loyihasi ishlab chiqilgan. Hujjatning yakuniy loyihasini xorijiy tomon bilan birgalikda ishlab chiqish va imzolash choralarini ko‘rish topshirig‘i olingan. Hozirda bitim loyihasi Qatarning ma’sul idoralari tomonidan ko‘rib chiqilmoqda.Qozog‘iston bilan hamkorlik
O‘zbekiston hukumati va Qozog‘iston hukumati o‘rtasida Qozog‘iston hududida vaqtinchalik mehnat faoliyatini amalga oshirish uchun O‘zbekiston fuqarolarini tashkiliy asosda qabul qilish va jalb etish to‘g‘risidagi bitim loyihasi ishlab chiqilgan. Mazkur hujjat loyihasi bo‘yicha ichki davlat protseduralari o‘tkazilgan, Vazirlar Mahkamasining bitim loyihasini Qozog‘iston tomoni bilan birga ishlab chiqish topshirig‘i olingan. Hozirda, hujjat loyihasi Qozog‘istonning mas’ul idoralari tomonidan ko‘rib chiqilmoqda.Kuvayt bilan hamkorlik
O‘zbekiston hukumati va Kuvayt hukumati o‘rtasida Kuvayt xususiy sektorlariga ishchi kuchini ishga yollash sohasida o‘zaro anglashuv memorandumi loyihasi ishlab chiqilgan. Hujjatning yakuniy loyihasini Kuvayt bilan birga ishlab chiqish va imzolash choralarini ko‘rish topshirig‘i olingan. Hozirda bitim loyihasi Kuvaytning ma’sul idoralari tomonidan ko‘rib chiqilmoqda.Latviya bilan hamkorlik
O‘zbekiston va Latviya o‘rtasida Latviyada vaqtinchalik mehnat faoliyatini amalga oshirayotgan O‘zbekiston fuqarolarining huquqlarini himoya qilish hamda tashkiliy asosda tanlab olish va ishga joylashtirish to‘g‘risidagi bitim loyihasi ishlab chiqilgan.Latviya tomonidan mazkur bitim loyihasini imzolash Yevropa Ittifoqi direktivalariga zid hisoblanishi, shu bilan birga Latviya xususiy ish beruvchilari bilan hamkorlikni yo‘lga qo‘yish maqsadga muvofiqligi ma’lum qilingan.
Malayziya bilan hamkorlik
O‘zbekiston va Malayziya o‘rtasida Malayziya hududida vaqtinchalik mehnat faoliyatini amalga oshirayotgan O‘zbekiston fuqarolarining huquqlarini himoya qilish hamda tashkiliy asosda tanlab olish va ishga joylashtirish to‘g‘risida bitim loyihasi ishlab chiqilgan.Hujjatning yakuniy loyihasini xorijiy tomon bilan birgalikda ishlab chiqish va imzolash choralarini ko‘rish topshirig‘i olingan. Hozirda bitim loyihasi Malayziyaning ma’sul idoralari tomonidan ko‘rib chiqilmoqda.
Ozarbayjon bilan hamkorlik
O‘zbekiston bilan Ozarbayjon o‘rtasida Ozarbayjondagi O‘zbekiston fuqarosi bo‘lgan mehnat migrantlari va O‘zbekistondagi Ozarbayjon fuqarosi bo‘lgan mehnat migrantlarining huquq va manfaatlarini himoya qilish to‘g‘risidagi bitim loyihasi ishlab chiqilgan.Bitim loyihasini xorijiy tomon bilan birgalikda ishlab chiqish hamda imzolash choralarini ko‘rish topshirig‘i olingan. Hozirda hujjat loyihasi Ozarbayjonning mas’ul idoralari tomonidan ko‘rib chiqilmoqda.
Polsha bilan hamkorlik
O‘zbekiston va Polsha o‘rtasida Polshada vaqtinchalik mehnat faoliyatini amalga oshirayotgan O‘zbekiston fuqarolarining huquqlarini himoya qilish hamda tashkiliy asosda tanlab olish va ishga joylashtirish to‘g‘risidagi bitim loyihasi ishlab chiqilgan edi, ammo ushbu hujjat loyihasi Polsha tomonidan turli vajlar bilan rad etilgan.Saudiya Arabistoni bilan hamkorlik
O‘zbekiston va Saudiya Arabistoni o‘rtasida Uy xizmatchilarini yollash to‘g‘risidagi bitimhamda Ishchilarni yollash to‘g‘risidagi bitim loyihalari ishlab chiqilgan bo‘lib, hozirda har ikkala loyiha Saudiya Arabistonining ma’sul idoralari tomonidan ko‘rib chiqilmoqda.Singapur bilan hamkorlik
O‘zbekiston Bandlik va mehnat munosabatlari vazirligi bilan Singapur Mehnat resurslari vazirligi o‘rtasida o‘zaro hamkorlik memorandumi loyihasi ishlab chiqilgan. Hozirda memorandum loyihasi Singapurning ma’sul idoralari tomonidan ko‘rib chiqilmoqda.Finlyandiya bilan hamkorlik
O‘zbekiston va Finlyandiya o‘rtasida Finlyandiyada vaqtinchalik mehnat faoliyatini amalga oshirayotgan o‘zbekistonliklarning huquqlarini himoya qilish hamda tashkiliy asosda tanlab olish va ishga joylashtirish to‘g‘risidagi bitim loyihasi ishlab chiqilgan edi. Finlyandiya tomoni O‘zbekiston taklif qilgan bitimning aksariyat bandlari Yevropa Ittifoqi qonunchiligi bilan tartibga solingani bois ushbu yo‘nalishda yangi kelishuvlarni ishlab chiqishga ehtiyoj yo‘qligini bildirib, taklifni rad etgan. Ayni vaqtda, Finlyandiya tomoni mamlakat qonunchiligiga muvofiq, ushbu mamlakatdagi barcha mehnat muhojirlari, jumladan, o‘zbekistonliklarning ham huquqlari davlat himoyasiga olinganini ma’lum qilgan.Fransiya bilan hamkorlik
O‘zbekiston va Fransiya o‘rtasida Fransiyada vaqtinchalik mehnat faoliyatini amalga oshirayotgan O‘zbekiston fuqarolarining huquqlarini himoya qilish hamda tashkiliy asosda tanlab olish va ishga joylashtirish to‘g‘risida bitim loyihasi ishlab chiqilgan edi. Loyiha bo‘yicha O‘zbekistonning tegishli vazirlik va idoralaridan taklif va mulohazalarni to‘plash jarayonida, Fransiyaning Yevropa va tashqi ishlar vazirligi tomonidan mazkur bitim loyihasini imzolash imkoniyati yo‘qligi to‘g‘risidagi notasi olindi.Shuningdek, Turkiya Bandlik agentligi, Germaniya Migratsiya va qochoqlar masalalari bo‘yicha federal idorasi va Slovakiya Mehnat, ijtimoiy ishlar va oila vazirligi bilan hamkorlik memorandumlarining loyihalari ishlab chiqilib, kelishish uchun Tashqi ishlar vazirligi va Vazirlar Mahkamasiga kiritilgan.
Izoh (0)