Шавкат Мирзиёев 25 ноябрь куни Покистон Бош вазири Имрон Хон билан телефон орқали мулоқот қилди. Бу ҳақда Президент матбуот хизмати хабар қилди.
Қайд этилишича, давлат раҳбари Имрон Хонни таваллуд куни билан қутлаб, унга соғлик, фаровонлик ва катта муваффақиятлар, Покистон халқига эса тинчлик-осойишталик ва равнақ тилаган. Суҳбат чоғида олий даражада эришилган келишувларни амалга ошириш масалалари ҳамда мамлакатлар ўртасидаги ўзаро манфаатли ҳамкорликни кенгайтириш истиқболлари кўриб чиқилган.
Мулоқот пайтида алоқалар фаоллашгани, икки томонлама товар айирбошлаш кўрсаткичлари сезиларли даражада ўсгани ва ишбилармонлар ўртасидаги кооперация кучайгани қайд этилган. Қишлоқ хўжалиги машинасозлиги, фармацевтика ва кимё саноати, тўқимачилик ва қурилиш материаллари тармоқлари, бошқа соҳалардаги инвестиция лойиҳаларини илгари суришга алоҳида эътибор қаратилган.
Таъкидланишича, етакчилар минтақада йирик инфратузилма лойиҳаларини амалга ошириш масалаларини муҳокама қилиб, бўлажак учрашувлар режасини ҳам кўриб чиққан.
Изоҳ (0)