Ҳамкорлар Ўзбекистон бозорида инновацион молия маҳсулоти бўлган — Solfy муддатли тўлов карталарини жорий этишга тайёргарлик кўрмоқда. Техник интеграция жараёни фаол босқичда, лойиҳани йўлга қўйиш эса 2022 йилнинг 4 апрелига режалаштирилган.
Solfy — бу халқаро fintech компания бўлиб, у banking, e-commerce ва retail соҳаларида ўз фаолиятини олиб боради. Компания турли сегментлардаги дўконларни бирлаштирадиган платформаларни яратиб, фойдаланувчиларга бошланғич бадал ва ортиқча тўловларсиз қулай шартларда харидларни амалга ошириш имкониятини яратади. Solfy томонидан яратилаётган маҳсулот Ўзбекистонда кунлик харидлар ва тўлов инструментлари ҳақидаги тасаввурни ўзгартиради.
Лойиҳа гуруҳи шунга ўхшаш лойиҳаларни Россия ва Беларусда амалга оширишда иштирок этган (ҳозирги кунда ушбу давлатларда 6 миллион донадан ортиқ муддатли тўлов карталари эмиссия қилинган ва 200 000 дан ортиқ ҳамкор дўконлар мавжуд). Амалга оширилган лойиҳалар ўз сегментида етакчи ҳисобланади ҳамда кўп маротаба турли ихтисослаштирилган совринларни қўлга киритган.
«Ўзмиллийбанк» АЖдан Solfy муддатли тўлов картаси мижозларга яширин тўловлар ва комиссияларсиз муддатли фоизсиз харидларни 12 ой муддатга амалга ошириш имкониятини беради. Муддатли тўловга амалга ошириладиган харидлар, ихтиёрий талабларни қондирадиган, кенг қамровли ҳамкорлар тармоғи орқали мавжуд бўлади. Solfy Ўзбекистонда лойиҳани ишга тушириш учун ҳамкорлар базасини шакллантириш билан фаол шуғулланмоқда. Лойиҳанинг ҳамкори бўлиш ёки у ҳақида қўшимча маълумотларга эга бўлиш учун қуйидаги ҳавола орқали анкетани тўлдириш зарур: https://solfy.com/partnership?utm_campaign=press_release.
Мижозлар эса Solfy’нинг мобил иловаси орқали ҳамкор дўконларни қидириши ва ўз балансларини бошқариши мумкин. Ҳозирданоқ https://solfy.com/?utm_campaign=press_release ҳаволаси орқали ариза қолдириш мумкин. Лойиҳа ишга тушганидан кейин эса биринчи мижозлар мобил иловани юклаб олишади ҳамда муддатли тўлов карталарини расмийлаштиришади.
Яқин бир неча йил ичида 1 миллион донадан ортиқ муддатли тўлов карточкаларини чиқариш ҳамда ҳамкорлар сифатида мамлакатдаги йирик ритейл компанияларининг ярмини жалб қилиш режалаштирилган. Бу эса Ўзбекистон чакана банк хизматлари бозорида етакчи ўринни эгаллашга имконият яратади.
Solfy лойиҳасининг ҳаммуассиси Андрей Басуев тез кунда ишга тушадиган лойиҳани шарҳлаган ҳолда: «Бизнинг маҳсулотимиз барча томонлар учун фойдали: мижозлар жуда талабгир ва ҳақиқатда ҳалол маҳсулотни қўлга киритади. Дўконлар эса муддатли тўлов турини йўлга қўйган ҳолда янги мижозларни жалб қилади ва савдо ҳажмини оширади. Бундан ташқари, Ўзбекистон бозорида бундай турдаги маҳсулотнинг пайдо бўлиши, шундоқ ҳам тезлик билан ривожланаётган мамлакат иқтисодиётига, товар айланмаси, нақд пулсиз амалиётлар ҳажмини ва рақамли хизматлар кўламини ошириш учун янги импулс беради. Бизнинг тажрибамиз ва ҳамкоримиз — ‘Ўзмиллийбанк’ АЖнинг технологик кўламининг коллаборацияси натижасида, маҳсулотимизни чинакам маънода ‘халқ маҳсулоти’ қилмоқчи», — дея таъкидлайди.
«Solfy’даги ҳамкорларимиз билан ишга тушираётган лойиҳамиз бу ‘Ўзмиллийбанк’ чакана бизнесининг рақамли транформациясига сезиларли қадамдир ва у ушбу сегментдаги салоҳиятимизни сезиларли даражада ошириш учун мўлжалланган. Ишончимиз комилки, муддатли тўлов картаси иш модели Ўзбекистон аҳолиси орасида катта талабга эга бўлади ҳамда шаффоф ва адолатли шартларда олинган қарз маблағларига бўлган эҳтиёжни қондиради. Шунингдек, лойиҳа бизнесни мижозлар билан ишлашда замонавий ёндашувларга ўтишини сезиларли даражада тезлаштиришга ёрдам беради ва товар ҳамда хизматлар учун тўловларнинг кенгроқ, қулайроқ имкониятларини тақдим этади», — деб таъкидлайди «Ўзмиллийбанк» АЖ чакана блок бошқарувчи директори Мамажонов Иқболжон Икромович.
Реклама ҳуқуқи асосида.
Изоҳ (0)