Қурилиш вазирлигининг яна 2 турдаги лицензиялаш соҳасидаги давлат хизмати электронлаштирилди.
license.gov.uz тизими орқали:
- баландликларда саноат алпинизми усулларида таъмирлаш, қурилиш-монтаж ишларини бажариш фаолиятига лицензия;
- кўприклар ва тоннелларни лойиҳалаштириш, қуриш, улардан фойдаланиш ва уларни таъмирлаш фаолиятига лицензия олиш имкони яратилди.
Лицензия QR-код (матрик штрихли код) қўйилган электрон шаклда расмийлаштирилади.
Шу кунга қадар, Қурилиш вазирлиги томонидан 2 турдаги давлат хизмати, яъни архитектура-шаҳарсозлик ҳужжатларини ишлаб чиқиш бўйича фаолиятни лицензиялаш ва қурилиш лойиҳаларини экспертизадан ўтказувчи юридик шахсларни аккредитация қилиш электронлаштирилган эди.
Тез кунда Қурилиш вазирлиги томонидан хавфи юқори бўлган объектларни ҳамда потенциал хавфли ишлаб чиқаришларни лойиҳалаштириш, қуриш ва улардан фойдаланиш фаолиятини лицензиялаш давлат хизмати ҳам электронлаштирилади ва license.gov.uz тизими орқали мурожаатлар қабул қилиш тўлиқ ишга туширилади.
Маълумот ўрнида
Ўзбекистон Республикасининг «Лицензиялаш, рухсат бериш ва хабардор қилиш тартиб-таомиллари тўғрисида»ги қонуни, Ўзбекистон Республикаси Президентининг 2020 йил 24 августдаги ПФ 6044-сон фармони ҳамда Вазирлар Маҳкамаси IT-технологиялар, телекоммуникациялар ва инновацион фаолиятни ривожлантириш масалалари департаментининг чора-тадбирлар режасида лицензия ва рухсат бериш тусдаги давлат хизматларини «Лицензия» ахборот тизимида тўлиқ ишга тушириш белгилаб қўйилган.
Реклама ҳуқуқи асосида.
Изоҳ (0)