«Ўзкимёсаноат» АЖ корхоналарида тайёр маҳсулотларни сотиш жараёнларининг автоматлаштирилган ахборот тизимини жорий этишга танлов эълон қилинди

«Ўзкимёсаноат» акциядорлик жамияти корхоналарда тайёр маҳсулотларни ҳисобга олиш ва сотишни, RFID технологияси асосида маркировкалаш орқали автоматлаштирилган ахборот тизимини ишлаб чиқиш ва жорий этишга танлов эълон қилади.

1. Танлов мавзуси

«Ўзкимёсаноат» АЖ корхоналарида тайёр маҳсулотларни ҳисобга олиш ва сотишни, RFID технологияси асосида маркировкалаш орқали автоматлаштирилган ахборот тизимини ишлаб чиқиш ва жорий этиш.

2. Ишлар/хизматлар мазмуни

Ахборот тизимини ишлаб чиқиш, жорий этиш, такомиллаштириш ва кафолатли қўллаб-қувватлаш. Ахборот тизими техник шартлари талабларига жавоб бериши керак.

«Ўзкимёсаноат» АЖнинг барча корхоналарида тайёр маҳсулотларни маркировкалаш, маҳсулотларни жўнатиш ва тайёр маҳсулотлар ҳаракати, омборлар, тайёр маҳсулотлар савдоси, ҳисобот ва маълумотларни умумлаштиришни бошқариш учун модулларнинг аппарат ва дастурий қисмларини жорий этиш зарур.

3. Танлов таклифларини юбориш тартиби тўғрисида маълумот

Таклифларни қабул қилиш икки босқичдан иборат бўлади:

• 1-босқич техник таклифларни қабул қилиш;
• 2-босқич тижорат таклифларини қабул қилиш.

Таклиф ташкилотнинг раҳбари томонидан тасдиқланган расмий бланкда ташкилотнинг асл муҳри билан расмийлаштирилган бўлиши керак.

Таклифларни тақдим этиш жойи: 100011, Тошкент шаҳри, Навоий кўчаси 38 уй, (соат 09.00 дан 17.00 гача, душанба—жума кунлари).

Телефон рақам (+99878) 140-74-77

4. Компанияга қўйилган талаблар

• Ташкилот юқорида кўрсатилган хизматларни амалга ошириш учун барча зарур лицензия ва сертификатларга эга бўлиши керак;
• Камида 3 нафар мижозларидан ижобий тавсиялар бериши;
• Камида 3 йил давомида ушбу хизматлар бозорида тажрибага эга бўлиши;
• Шу каби ишланмалар ва уларнинг татбиқ этилганлиги ҳақида маълумот бериши;
• Юридик ва бухгалтерия ҳужжатларини бериш ва олиш ҳуқуқига эга бўлган Тошкент шаҳридаги офиснинг мавжудлиги;
• Банкротлик ва суд жараёнида эмаслиги.

• Хизматларни ўз вақтида тўғри бажариш кафолати;
• Иш қабул қилингандан сўнг камида 12 ой давомида хизмат кўрсатиш кафолати.

• Функционал имкониятлар;
• Сифат;
• Қиймат;
• Хизмат кўрсатиш муддатлари;
• Хизмат кўрсатиш кафолати.

Реклама ҳуқуқи асосида.