Жанубий Америка минтақасида ЖЧ—2022 саралашининг навбатдаги туридан ўрин олган сўнгги ўйинда Аргентина терма жамоаси Тошкент вақти билан 13 ноябрь тонгида Уругвайга қарши баҳс олиб борди.
Монтевидео ўтган ўйин тақдирини ягона ҳал қилиб берди. 7-дақиқада ҳимоячиларнинг хатосидан кейин Пауло Дибала бошлаб берган ҳужумни Анхель ди Мария ажойиб тарзда якунлаб қўйди. Шундан кейин жамоалар ҳар қанча уринмасин, дарвозалар бошқа ишғол этилмади.
Шу тариқа Аргентина сафарда муҳим бўлган уч очкони қўлга киритди, ушбу ғалабадан кейин жамоанинг очколари сони 28 тага етди ва ЖЧ саралаш гуруҳида 2-ўринга мустаҳкам ўрнашиб олди. Уругвай эса 16 очко билан 6-поғонани банд этган.
ЖЧ-2022 саралаши
13 ноябрь, шанба
13-тур баҳси
Уругвай – Аргентина 0:1
Гол: 0:1 – 7 ди Мария.Уругвай – Муслера, Касерес, Годин, Хименес, Пикерес, Бентанкур (Арамбарри, 76), Торрейра, Нандес (Горриаран, 81), Весино (Альварес Мартинес, 64), Родригес (Торрес, 46), Суарес.
Аргентина – Мартинес, Отаменди, Ромеро, Молина, Акуня, Ло Чельсо (Месси, 76), Родригес, де Пауль (Паласиос, 81), ди Мария (Корреа, 55), Мартинес (Гомес, 55), Дибала (Корреа, 46).
Огоҳлантиришлар: Дибала (18), Касерес (48).
Изоҳ (0)