Бугун,

  • USD 11095.31
  • RUB 173.84
  • EUR 10772.44

Қашқадарё вилоятининг Шаҳрисабз шаҳрида яшовчи 49 ёшли Замира Губиева уйсиз эканини, анча вақтдан бери жамоатчилик масканида яшаб келаётганини маълум қилиб, масъуллар бу ҳолатга эътибор қаратмаётганини билдирганди. Шаҳар ҳокимлиги ахборот хизмати мазкур муаммони ўрганиб чиққанини маълум қилди.

Видеони Telegram орқали жамоатчилик билан бўлишган муаллиф уйсиз эканини айтган Замира опа Шаҳрисабз шаҳрининг «Дўстлик» маҳалла фуқаролар йиғинида яшашини, анчадан бери уни жамоатчилик маскани бўлган уйчага кириб-чиқиб юрганини айтади.

«Асли Шаҳрисабз шаҳридаги кинотеатр олдида туғилганман. Исмим Замира Губиева. Анчадан бери шу ерда яшайман. Жудаям совуқ, имконсизликдан шу ерда яшаяпман. Йиқилиб тушиб, оёғим жароҳат олган. Иссиқда кўчада қолиб кетганман. Домимни тортиб олишганидан сўнг, кўчада қолганман», — дейди кўчада қолганини айтган аёл.

Аёлнинг айтишича, мазкур ҳолатдан хабар топган ИИБ ходимлари уни шифохонага ётқизган.

«Мен ҳам одамман-ку, ҳеч ким эътибор бермаяпти. Ёш болалар эса мени қўрқитмоқда», — дейди аёл.

Мазкур воқеага муносабат билдирган Шаҳрисабз шаҳар ҳокимлиги ахборот хизмати аёлнинг яшаш уйи борлигини, аёл уйига қайтарилганини билдирди.

Фото: Шаҳрисабз шаҳри ҳокимлиги матбуот хизмати

Фото: Шаҳрисабз шаҳри ҳокимлиги матбуот хизмати

«Замира опа билан суҳбатлашганимизда у кишининг ўғли уйдан ишлаш учун чиқиб кетиб, олти йилдан буён дарак бермаётгани маълум бўлди. Опа ўғлининг ўша жойда уйланганини кимлардандир эшитиб, анча пайт йиғлаб касал бўлиб қолганини айтди. Ўғлини кутиб яшаган Замира опа кўчага чиқиб, спиртли ичимлик истеъмол қилишга одатланиб қолган. Натижада Замирага яқин қариндошлари ҳам бегонадек қарашган. Бир неча бор маҳалла фаоллари томонидан ёрдам ва тушунтириш ишлари олиб борилишига қарамасдан опа ўз билганидан қолмаган.

Бу ҳолат юзасидан Шаҳрисабз шаҳар ҳокими раҳбарлигида ишчи гуруҳи тузилди. Замира яшаш уйига қайтарилди. Барча ҳолатлар ўрганилиб, таҳлил этилди», — дейилади ҳокимлик ахборот хизмати муносабатида.

Қўшимча қилинишича, вазият ҳоким томонидан ўрганилгач, маҳалла фуқаролар йиғини раиси, ўринбосари, профилактика инспектори ушбу муаммога ўз вақтида ечим топмагани учун огоҳлантириш олган.

«Замира опа ҳозир қилган ишидан пушаймон, яхши яшашга, спиртли ичимлик ичмасликка, меҳнат қилиб, ҳалол пул топишга қарор қилди», — дейилади ҳокимлик масъуллари муносабатида.

Қайд этилишича, ҳокимлик Замира опанинг ўғлини хориждан онаси бағрига қайтариш чораларини кўрмоқда.

Изоҳ
Асосий янгиликлар
Спорт
Искандаров — энг яхши футболчи, Кападзе — энг яхши мураббий. Ўзбек футболида 2022 йилнинг энг яхшилари аниқланган маросимдан фоторепортаж
Маданият
Фарзандидан айрилган, 3 соат ухлаган, ҳожатхонада фаррошлик қилган: муваффақиятга эришиш йўлида турли қийинчиликлардан ўтган юлдузлар (фото)
Маҳаллий
«Сирдарёда бир сўм ҳам ўғирланмайдиган, коррупциясиз тизим яратилиши керак» — Сардор Умурзоқов