Тошкентда ёзувчи Назир Сафаровнинг уй деворидан 19 миллион сўмлик барельефини ўғирлаб кетганликда гумонланган икки шахс қўлга олинди, деб хабар беради пойтахт ИИББ матбуот хизмати.
Шайхонтоҳур тумани ИИО ФМБ хабарига кўра, ўғирлик 30 сентябрь куни соат 16:00 атрофида 25 ёшли Диёр С. ва 23 ёшли Бобуржон Н. томонидан содир этилган.
Ҳолат юзасидан Жиноят кодексининг 169-моддаси 2-қисми (ўғирлик) билан жиноят иши қўзғатилган. Тергов давом этмоқда.
Маълумот учун, Назир Сафаров 1905 йили Жиззах шаҳрида, темирчи оиласида туғилган. 1955 йилда драматургия соҳасидаги катта хизматлари учун «Ўзбекистонда хизмат кўрсатган санъат арбоби» унвони берилган, 1968 йилда эса Ҳамза номидаги Республика Давлат мукофоти лауреати бўлган. У 1975 йилда 70 ёшга тўлиши муносабати билан «Ўзбекистон халқ ёзувчиси» унвонига муяссар бўлган.
Барельеф французча бас-рельиеф («past рельеф») бўлиб, бўртма тасвир, ҳайкалтарошликда рельеф тури ҳисобланади. Замин (фон) сатҳидан бўрттириб ишланган тасвир асли шаклининг ярмидан ортмаса барельеф деб аталади.
Изоҳ (0)