3 ноябрь куни Вазирлар Маҳкамаси ҳузуридаги Таълим сифатини назорат қилиш давлат инспекциясида ташкил этилган матбуот анжуманида республикада энг юқори натижа кўрсатган ихтисослаштирилган ва умумий ўрта таълим мактаблари номи маълум қилинди. Бу ҳақда инспекция матбуот хизмати хабар берди.
Рейтинг натижаларига кўра, ихтисослаштирилган мактаблар бўйича юқори ўнталикдан Қоракўл халқаро математика мактаби, Мингбулоқ туманидаги 13-сонли, Тўрақўрғон туманидаги 4 ва 17-сонли, Шаҳрихон туманидаги 4-сонли, Марҳамат туманидаги 3-сонли, Китоб туманидаги 1-сонли, Вобкент туманидаги 6-сонли, Пахтаобод туманидаги 21-сонли ҳамда Асака тумани 42-сонли ихтисослаштирилган мактаблар ўрин олган.
Сўнгги ўринларда эса Балиқчи туманидаги 9-сонли, Булоқбоши туманидаги 11-сонли, Сўх туманидаги 1 ва 3-сонли, Томди туманидаги ихтисослашган мактаб, Сўх туманидаги 2-сонли, Термиз шаҳридаги 4-сонли, Қўрғонтепа туманидаги 30-сонли, Жалақудуқ туманидаги 49-сонли, Бувайда туманидаги 2-сонли ихтисослаштирилган мактаблар экани аниқланган.
Умумий ўрта мактаблар рейтингида юқори топ-10 ликдан Навоий шаҳридаги 11-сонли, Паркент туманидаги 5-сонли, Миробод туманидаги 60-сонли, Давлатобод туманидаги 58-сонли, Учқудуқ туманидаги 20-сонли, Поп туманидаги 64-сонли, Нарпай туманидаги 6-сонли, Зарафшон шаҳридаги 1-сонли, Косон туманидаги 72-сонли ҳамда Фурқат туманидаги 34-сонли мактаб ўрин олган.
Сўнгги ўринларда эса Оҳангарон тумани 43-сонли, Риштон туманидаги 56 ва 55-сонли, Деҳқонобод туманидаги 54-сонли, Қарши шаҳридаги 41-сонли, Тўрткўл туманидаги 52-сонли, Қуйи Чирчиқ туманидаги 42-сонли, Амударё туманидаги 61-сонли, Қарши туманидаги 70-сонли ва Деҳқонобод туманидаги 38-сонли мактаб экани маълум бўлган.
Аввалроқ Президент ҳузуридаги Давлат хизматини ривожлантириш агентлиги барча вилоят, туман ва шаҳарлардаги ҳоким ва ҳоким ўринбосарлари фаолиятини энг муҳим самарадорлик кўрсаткичлари асосида баҳолаш тизимини йўлга қўйгани тўғрисида хабар берилганди.
Изоҳ (0)