«Дарё»ни Telegram’да ўқинг! Join!
10:43, 01.11.2021 39156

Мансаб кексайтирадими? Аёл президент ва қироличаларнинг ёшлигидаги ва ҳозирги кўриниши (фото)

Дунёга машҳур сиёсатчи ва монарх хонимлар қанчалик ўзгарганини билиш учун уларнинг ёшликдаги ва ҳозирга суратларини солиштириб кўриш мумкин.

Елизавета II

Фото: «Домашний очаг»

Қиролича бундан 69 йил аввал, 25 ёшида тахтга ўтирган. Елизавета 95 ёшда эканига қарамай, ҳали ҳам тетик кўринишига эга, давлат ишлари билан шуғулланади ва энг обрўли аёллардан саналади. Макияж борасида монарх хоним оч пушти румяна билан яноқларига урғу беришни, ёрқин помада суртишни яхши кўради. Сочлари эса енгил жингалак қилиб турмакланган бўлади.

Ангела Меркель

Фото: «Домашний очаг»

Ангела Меркель севимли соч турмагини ҳамиша бир хил. Ташқи кўриниши сиёсий карьераси давомида ўзгаргани аниқ, аммо ҳеч ким унинг ёши 67 да эканини тахмин қила олмайди. Бунга сочини оч рангда бўяб юриши сабабдир балки, яна ким билсин.

Ҳиллари Клинтон

Фото: «Домашний очаг»

Ҳиллари Клинтон ёшлигида жуда ҳам жозибали бўлган. Орадан йиллар ўтгач ҳам ўзига хослиги сақланиб қолган. Чуқур ажинлари йўқ, териси таранг ва парваришни жойига қўйиши билиниб туради.

Тереза Мей

Фото: «Домашний очаг»

Буюк Британиянинг собиқ бош вазири Тереза Мейнинг ҳусни йиллар ўтиши билан ортиб борган. Айни вақтда ёши 65 да бўлган аёл, ҳали ҳамон сиёсат билан шуғулланишига қарамай, ўзига қарашни ҳам эсдан чиқармайди. Косметик муолажалар, яхши парвариш Мейни ўзига хос кўринишига сабабчи бўлади.

Қиролича Силвия

Фото: «Домашний очаг»

Силвия бундан 46 йил аввал Швеция қиролига турмушга чиққанидан кейин қиролича бўлган. Айни вақтда унинг ташқи кўринишига назар ташлаб, 77 ёшда эканига ишониш қийин. Афтидан, у ўзига қарашни канда қилмайдиганлардан. Аввалгидан фарқли равишда у бугун пушти румяна ва помададан фойдаланади.

Маргрет II

Фото: «Домашний очаг»

Дания қироличасининг 81 ёш эканига ишониш қийин. Ажин тушгани ва юз ранги ўзгарганини ҳисобга олмаса у ҳали ҳам латофатли кўринади. У ҳам бошқа сиёсатчи хонимлар сингари ёрқин пушти рангли лаб бўёғидан фойдаланишни яхши кўради.

Колинда Грабар-Китарович

Фото: «Домашний очаг»

Сиз суратда кўриб турган аёл Хорватиянинг собиқ президенти. Колинд Грабар-Китаровични ҳеч ким 53 ёшда деб ўйламайди. Юзида ажин йўқлигидан ташқари, сарвқоматига ҳам ҳавас қилса арзийди. Афтидан, бундай кўринишга эришишига соғлом турмуш тарзига амал қилиши ёрдам берган.

Кристина Фернандес де Киршнер

Фото: «Домашний очаг»

Аргентинанинг собиқ президентини ҳеч ким 68 ёш эканига ишонмайди. Кристина Фернандес де Киршнер макияж борасида кўзларига урғу беришни афзал билади, лабларига эса блеск суртади.