Актёр Жейсон Moмoа «Аквамен: йўқотилган қироллик» фильмини суратга олиш майдончасида коронавирус юқтириб олди. Бу ҳақда The Sun нашри хабар берган, деб ёзади «Korrespondent.net».
Маълум қилинишича, касалликни аниқлашга топширган тести ижобий чиққанидан кейин 42 яшар актёр ўзини ўзи яккалашга қарор қилган. «Суратга олиш ишларини тўхтатишга тўғри келгани сабаб ҳам бу продюсерлар учун ҳақиқий бош оғриғи. Энг муҳими — бу ходимларнинг хавфсизлиги, албатта, барча доимий равишда тест топширмоқда. Бошқаларда вирус чиқмаслигига ва суратга олиш ишларини давом эттириш мумкинлигига умид қиламиз», – деган суратга олиш жамоаси вакилларидан бири.
Эслатиб ўтамиз, биринчи «Аквамен» 2018 йил декабрда экран юзини кўрган ва прокатда миллиард доллардан ортиқ маблағ тўплаган. «Аквамен: йўқотилган қироллик» лентасининг премьераси 2022 йил 16 декабрда бўлиб ўтиши режалаштирилган.
Аввалроқ Жейсон Moмoа Эллeн Деженереснинг ток-шоуси вақтида янги «Аквамен: йўқотилган қироллик» фильмини суратга олиш жараёнида олган жароҳатлари ҳақида сўзлаб берганди.
Мавзуга доир:
- Эд Ширан, Холзи, Бенни Бланко ва Халид плагиатда айбланмоқда. Мусиқачилар устидан судга шикоят қилинган
- Роберт Паттинсонда коронавирус аниқланди. «Бетмен» фильмининг суратга олиш жараёни яна тўхтатилди
- Дунёнинг энг кўп ҳақ тўланадиган актёри Дуэйн Жонсон ва унинг оила аъзолари коронавирусни бошдан кечирди
- Испаниялик таниқли актёр Антонио Бандерас коронавирусга чалинди
- Россиялик хонанда Анита Сойда коронавирус аниқланди
- Коронавирус юқтириб олган машҳурлар (фото)
Изоҳ (0)