Муваффақиятга эришиш учун ҳақиқий ёшини яширишга мажбур бўлган юлдузлар (фото)

Эътиборингизга ҳаётида ўзларини бир неча ёшга катта ёки кичик қилиб кўрсатишга тўғри келган юлдузларни ҳавола этамиз.

Мила Кунис

Актриса Мила Кунис интервьюларининг бирида «70 йиллар шоуси» телесериалида Жеки Бюрхарт ролини ижро этиш учун ўзининг ҳақиқий ёшини яширишга мажбур бўлганини маълум қилган. Лойиҳада иштирок этиш учун ариза берувчи актрисалар 18 ёшдан ошган бўлиши керак эди, лекин Мила эндигина 14 ёшга тўлганди. Бўлажак юлдуз ўзига бир эмас, икки эмас, нақд тўрт ёш қўшиб олди. Продюсерлар унинг ҳақиқий ёшини истеъдодли эканлигидан кейингина билган. Шундай қилиб, «70 йиллар шоуси»даги рол Миланинг карьерасидаги бошланғич нуқтага айланган.

Женнифер Лопес

Ҳақиқий ёшини яшириш ҳикояси Жей Лонинг ҳам ҳаётида рўй берган. Fly Girl труппасида раққоса сифатида фаолиятини бошлаган қўшиқчи ва актриса 1990 йиллар охирида бир йил давомида ўзини «ёшартирди», лекин ҳақиқат кутилмаганда ошкор бўлди. Женнифернинг йигити, рэпер П.Диддй тунги клубда отишма уюштирганидан сўнг полиция уни сўроққа чақирди. Қонун вакиллари билан суҳбат чоғида Лопес 1970- эмас, 1969 йилда туғилгани маълум бўлди.

Габриэль Картерис

1990 йилда актриса Габриэль Картерис «Беверли-Хиллз 90210»да мактаб газетаси муҳаррири – Андрея Сукерман ролини ўйнади. Кўпгина томошабинлар мактаб ўқувчилари ва талабаларни доимо етук актёрлар ўйнашига одатланган, аммо бу маънода юлдуз кўплаб ҳамкасбларини четлаб ўтди. 15 ёшли қиз ролини у аллақачон 30 ёшдан бироз ошганида ижро этган. У бошқалардан фарқли ўлароқ, ўзини бир неча йилга «ёшартирган».

Сандра Баллок

Кўплаб ҳамкасбларидан фарқли ўлароқ, Сандра Баллок ёшроқ кўринишдан кўра ўзини қаритишига тўғри келди. Шундай қилиб, «Муҳаббат элексири №9» фильмидаги рол учун 26 ёшли актриса кастинг директорига, аслида, 30 ёшда эканлигини айтди. Гап шундаки, у анча етук аёл ролини ўйнаши керак эди ва яхшилик учун ёлғон гапириш зарар қилмади, Сандра ўз орзусидаги ролни ижро этди.

Никол Шерзингер

43 яшар Никол Шерзингер ўзининг ҳақиқий ёшидан уялмайди, лекин ҳар доим ҳам шундай бўлмаган. Фаолиятининг бошида, The Pussycat Dolls гуруҳининг солисти сифатида у ёш томошабинларни кўпроқ хурсанд қилиш ва иложи борича мухлислар меҳрини қозониш учун ўзини бир неча йилга «ёшартиришга» қарор қилди. Кейинчалик қўшиқчи бу ишидан воз кечди ва 1978 йилда туғилганлигини ҳеч кимдан яширмади.