Турк киносаноатининг энг муваффақиятли вакилларидан ҳисобланган Нургул Ешилчай ва Эмре Кинай янги лойиҳада бирга суратга тушиш учун тайёргарлик ишларини бошлаб юборди.
Мухлислар Эмре ва Нургулни «Ким бу оила?» сериалида бирга суратга тушади. Янги лойиҳа ҳақида маълумот кўп эмас, жамоанинг суратга олиш майдончасида экани ҳақидаги янгилик ижтимоий тармоқларда тарқалганига кўп бўлмаган. Актриса мазкур сериалда янгича образда намоён бўлади. Уни ҳамиша қора сочлар билан кўрган томошабинларга бу сафар у малла сочлар билан кўриниш беради. Ешилчай Instagram саҳифасига янги кўриниши акс этган суратни жойлаб, сериалнинг суратга олиш ишлари ҳақида илк марта эълон қилган.
«Эрдал», «Лайли ва мажнун» сериалларида рол ижро қилган Женгиз Бозкурт сериалда Адем исмли қаҳрамонни гавдалантиради. Нургул лойиҳада Менекше исмли аёл ролини ўйнашига қарамай, Эмре Кинайнинг қаҳрамони ҳақида маълумот бўлмаган. «Ким бу оила?» сериали Туркиянинг Fox ТV канали орқали намойиш қилинади.
Маълумот учун, карьерасини «Иккинчи баҳор» сериалидаги иштирок билан бошлаган Нургул Ешилчай ўзбек мухлисларига «Ишкомли уй», «Келин» сериали орқали яхши маълум. Илк марта «Илон ҳикояси»да кўриниш берган Эмре Кинай эса томошабинларга «Гунеш қизлари» ва «Рамо» сингари сериаллардаги ижроси билан таниш.
Изоҳ (0)