Беларусь президенти Александр Лукашенко Ўзбекистон Президенти Шавкат Мирзиёевга қўнғироқ қилиб, уни сайловдаги ишончли ғалабаси билан табриклади ва режаларини амалга оширишда муваффақиятлар тилади. Бу ҳақда Беларусь давлат раҳбари матбуот хизмати хабар берди.
Давлат раҳбарлари икки томонлама муносабатлар мавзусини муҳокама қилиб, уларнинг юқори даражаси ва жадал ривожланишини қайд этган. «Шу билан бирга, Беларусь ва Ўзбекистонда турли соҳалардаги ҳамкорликни янада чуқурлаштириш учун яхши истиқболлар бор», — дейилади хабарда.
Аввалроқ Россия президенти Владимир Путин ҳам Шавкат Мирзиёевни президентлик сайловидаги ишончли ғалабаси билан табриклагани ҳақида хабар берилганди.
Эслатиб ўтамиз, сайловнинг дастлабки натижалари бугун, 25 октябрь куни Тошкент вақти билан соат 16:00 да эълон қилинади.
Изоҳ (0)