Футбол бўйича Европа Чемпионлар Лигасининг 3-туридан ўрин олган бир қатор учрашувлар 19 октябрь, сешанба куни бўлиб ўтди.
«Ливерпуль» «Атлетико М» майдонида меҳмон бўлди. Учрашув тезкор гол билан бошланди, 8-дақиқада Муҳаммад Салоҳ ўнг қанотдан ёриб кириб, ажойиб зарбаси билан ҳисобни очди. 13-дақиқада эса Наби Кейта орадаги фарқни оширди. Шундан сўнг мезбонлар Антуан Гризманнинг дубли эвазига мувозанатни тиклашга муваффақ бўлди.
Иккинчи бўлим аввалида Гризманнга қўпол ўйин учун қизил карточка кўрсатилди. 78-дақиқада эса учрашув ҳаками «матрасчилар» дарвозаси томон 11 метрлик жарима зарбаси белгилади. Салоҳ пенальтини аниқ амалга ошириб, ўзининг ўйиндаги иккинчи, жамоасининг учинчи голини уриб, баҳсга якуний нуқтани қўйди.
«ПСЖ» сафарда «Лейпциг» билан куч синашди ва 3:2 ҳисобида ғалаба қозонди. Дастлаб, Килиан Мбаппе Париж клубини ҳисобда олдинга олиб чиқди. Лекин шундан сўнг немислар кетма-кет иккита гол урди. Кейинчалик эса катта саҳнага Лионель Месси чиқди, аргентиналик футболчи дублни расмийлаштириб, жамоасининг ғалабасини таъминлади.
«Порту» ўз майдонида «Милан» устидан қийин ғалабага эришган бўлса, «Аякс» «Боруссия Д» дарвозасига жавобсиз 4 та гол урди.
ЕЧЛ
3-тур баҳслари
19 октябрь, сешанба
B гуруҳи
«Атлетико М» Испания – «Ливерпуль» Англия 2:3
Голлар: 0:1 – 8 Салоҳ, 0:2 – 13 Кейта, 1:2 – 20 Гризманн, 2:2 – 34 Гризманн, 2:3 – 78, пенальти Салоҳ.«Атлетико» – Облак, Триппьер, Кондогбиа (Хименес, 46), Фелипе, Эрмосо (Льоренте, 80), Карраско, Коке, де Пауль (Лоди, 80), Лемар (Суарес, 80), Гризманн, Жоау Феликс (Корреа, 80).
«Ливерпуль» – Алиссон, Александер-Арнольд (Гомес, 85), Матип, ван Дейк, Робертсон, Милнер (Окслейд-Чемберлен, 63), Ҳендерсон, Кейта (Фабиньо, 46), Фирмино, Салоҳ (Уильямс, 90), Мане (Диогу Жота, 62).
Огоҳлантиришлар: Милнер (59), Александер-Арнольд (63), Суарес (90).
Четлатиш: Гризманн (52).
«Порту» Португалия – «Милан» Италия 1:0
Гол: 1:0 – 65 Диас.А гуруҳи
«ПСЖ» Франция – «Лейпциг» Германия 3:2
Голлар: 1:0 – 9 Мбаппе, 1:1 – 28 Андре Сильва, 1:2 – 57 Мукиеле, 2:2 – 67 Месси, 3:2 – 74, пенальти Месси.«ПСЖ» – Навас, Ҳакими, Маркиньос, Кимпембе, Мендеш, Эррера (Вейналдум, 61), Гуйе (Данилу Перейра, 61), Верратти, Дракслер (Керер, 90), Месси, Мбаппе.
«Лейпциг» – Гулачи, Мукиеле, Орбан, Клостерманн (Гвардиол, 70), Симакан (Поульсен, 83), Анҳелинё (Хенрихс, 83), Лаймер, Адамс, Айдара (Мориба, 62), Нкунку, Андре Сильва (Форсберг, 83).
Огоҳлантиришлар: Орбан (18), Симакан (38), Гуйе (48), Хакими (64), Адамс (84).
C гуруҳи
Изоҳ (0)