Ким Кардашьян, Кайли Женнер, Жастин Бибер ва бошқа машҳурлар ижтимоий тармоқларга жойлайдиган суратлар одамларнинг ўз ҳаётидан қониқмаслигига сабаб бўлиши мумкин. Бу ҳақда Wall Street Journal маълум қилган, деб ёзади Glamour журнали.
Унда айтилишича, Ким Кардашьян, Ариана Гранде ва Кэти Перри сингари юлдузларни кузатган Instagram фойдаланувчилари уларнинг турмуш тарзи машҳурлар ижтимоий тармоқда кўз-кўз қиладиган ҳаётдан тубдан фарқ қилиши боис салбий ҳисларни туйган. Шу билан бирга, мухлислар Уилл Смит, бразилиялик футболчи Неймар ва актёр Дуэйн Жонсоннинг контентидан бунчалик ёмон эмоцияларни ҳис қилмаганини маълум қилган.
https://www.instagram.com/p/CS0Kl-4vMii/
Instagram’даги ижтимоий тенгсизлик бўйича ўтказилган ва 9 мамлакат: АҚШ, Буюк Британия, Франция Германия ва бошқалардан жами 100 минг иштирокчи қатнашган тадқиқотда ҳам шунга ўхшаш натижа қайд этилган.
https://www.instagram.com/p/CMJbbgHnHzl/?utm_source=ig_embed&ig_rid=565fdb73-e410-4de5-874d-d3cf570ae060
Тадқиқотда салбий таққослашга ўсмирларнинг катталардан кўра кўпроқ мойиллиги борлиги аниқланган. Маълум бўлишича, ижтимоий тармоқларда ижтимоий тенгсизлик муаммосига, асосан, ўсмир қизлар кўпроқ дуч келади. Ҳиндистонда эса эркаклар кутилмаган тарзда хавф гуруҳидан ўрин олган.
Мазкур тадқиқотдан келиб чиқиб, ижтимоий тармоқлардаги мукаммал суратлар фонида ёшлар ўзларининг ташқи қиёфасидан қониқмаслиги, бу эса руҳий касалликларга олиб келиши мумкин деган хулосага келинган.
Шундан кейин Instagram мутахассислари юлдузларнинг постини яширадиган функция яратиш ҳақида ўйлаб қолган. 2021 йилнинг баҳорида Instagram босилган лайклар сонини яшириш имкони берувчи функцияни ишга туширганди. Компания вакиллари бу одамларнинг контенти қанчалик машҳурлиги ҳақида камроқ қайғуришига ёрдам беради деган фикрда.
TechCrunch ушбу муаммо, айниқса, Instagram’даги у ҳақида тенгдошлари қандай фикрда экани билан қизиқадиган ёш фойдаланувчилар орасида долзарб деган фикрда.
Изоҳ (0)