Жонс Ҳопкинс университети маълумотларига кўра, дунёда коронавирусга чалинганлар сони 236 854 356 кишига тенглашди, шуларнинг 4 836 281 нафари вафот этган. Шунингдек, жаҳон бўйича 6,409 миллиард дозадан ортиқ вакцина қўлланилган.
Касалланганлар сони бўйича АҚШ (44,1 миллион), Ҳиндистон (33,9 миллион), Бразилия (21,5 миллион), Буюк Британия (8 миллион) ва Россия (7,6 миллион) етакчилик қилмоқда.
Вакцинация Антарктидагача етиб борди
COVID-19 га қарши вакцина партияси Антарктидага етиб келди, бу ердаги Roterа тадқиқот станциясининг британиялик қутбчилари у билан эмланади.Буюк Британия ҳукумати Crown Аgents халқаро тараққиёт ташкилоти билан ҳамкорликда Бирлашган Қиролликнинг барча аҳоли яшайдиган денгизорти ҳудудларига, шу жумладан, Британия Антарктика ҳудудига ҳам вакциналарни етказиб бериш мажбуриятини ўз зиммасига олганди.
ОАВ маълумотларига кўра, вакциналар Цельсий бўйича 2—8 даража атрофидаги муайян ҳароратга риоя қилинган ҳолда етказилган.
Crown Аgents бош директори Фергюс Дрейк таъкидлашича, ташкилот «Ернинг деярли нариги бурчагига» вакцина олиб борган.
Мавзуга доир:
Горбачёв карантинга юборилди
СССР собиқ президенти Михаил Горбачёв коронавирус туфайли шифокорлар тавсиясига кўра карантинда сақланаётганига бир ойдан ошди, у касал эмас.90 ёшли Горбачёв коронавирус юқтиришнинг олдини олиш мақсадида Россия касалхоналаридан бирида ётибди.
У 7 октябрь куни Россия президенти Владимир Путинни 69 ёши билан табриклаб илиқ тилаклар билдирган.
Россияда коронавирус оқибатидаги кунлик ўлимлар сони бўйича янги рекорд қайд этилди
Сўнгги бир кеча-кундузда Россияда COVID-19 дан 936 киши вафот этди, бу пандемия бошидан буён қайд этилган энг катта кўрсаткичдир. Кетма-кет уч кундан буён кунлик ўлимлар сони 900 дан ошмоқда (6 октябрь куни 929, 7 октябрь куни 924 нафар қурбон ҳақида хабар берилган).Ўлим ҳолатлари энг кўп Москва (71) ва Санкт-Петербургда (61) қайд этилди, аммо бу кўрсаткичлар бу ерда ёзда кузатилганларидан анча кам. 28 июнь куни Москвада 124 бемор вафот этган, Петербургдаги энг ёмон натижа эса бир кун кейин қайд этилганди (119 та ўлим).
Федерал тезкор штаб маълумотларига кўра, Россияда пандемия бошидан буён жами 214 485 киши коронавирус оқибатида вафот этган. «Росстат» эса жорий йилнинг апрелидан июлигача 367,5 мингга яқин ўлимни қайд этган. Муассаса ўз статистикасига COVID-19 фонидаги бошқа касалликлардан вафот этганларни ҳамда вирус ўлимидан кейин аниқланганларни ҳам киритади.
Таъкидлаш жоиз, сўнгги бир кеча-кундузда Россияда 27 246 кишида вирус аниқланган.
Мавзуга доир: Россияда COVID-ўлимлар бўйича рекорд такрорланди, Бразилия президенти яккаланиш режимига ўтди. Коронахабарлар
- Ҳиндистон 15 октябрдан сайёҳлар учун ўз чегараларини очади. Сайёҳлик визаларини бериш қайта бошланади. Биринчи бўлиб мамлакатга чартер рейслари билан келишни режалаштираётганларга виза берилади. Илк 500 минг чет эллик сайёҳ бепул виза олади. Ҳиндистон сайёҳлик визалари берилишини 2020 йил мартида коронавирус пандемияси туфайли тўхтатиб қўйган эди.
- Финляндияда миокард инфаркти хавфи ҳақидаги хабарлар туфайли 30 ёшдан кичик эркакларни Moderna вакцинаси билан эмлаш тўхтатиб қўйилди. Бу Швеция, Норвегия ва Дания билан биргаликда ўтказилган тадқиқотлар натижасида аниқланган. Аввалроқ Швеция ва Дания ҳукуматлари 1991 йилдан кейин туғилган одамларни Moderna компаниясининг коронавирусга қарши вакцинаси билан эмлашни тўхтатган эди.
- Латвияда COVID-19 туфайли соғлиқни сақлаш соҳасида фавқулодда вазият эълон қилинди. Бу даволаш муассасалари коронавирус беморларига ва бошқа беморларга ўткир касалланиш ҳолатларида ёрдам бериш учун ўз ресурсларидан эркинроқ фойдаланиш ҳуқуқига эга бўлишини билдиради.
- Италияда COVID-19 туфайли киритилган тақиқлар 11 октябрдан юмшатилади. Мамлакатда «Яшил рухсатномалар» тизими амал қилади, улар бўйича аҳоли маданият ва спорт муассасаларига ташриф буюриши мумкин. Шу билан бирга, ниқоб режими сақланиб қолади.
Изоҳ (0)