Ўзбекистон Президенти Шавкат Мирзиёев Япония Либерал-демократик партияси раҳбари Фумио Кисидани Япониянинг бош вазири этиб сайлангани билан табриклади. Бу ҳақда Президент матбуот хизмати хабар берди.
Қайд этилишича, табрик мактубида давлат раҳбари мамлакатларнинг биргаликдаги саъй-ҳаракатлари билан Ўзбекистон—Япония ҳамкорлигида мавжуд улкан салоҳият ҳар икки давлат халқлари фаровонлиги йўлида ҳар томонлама рўёбга чиқишига ишонч билдирган.
Маълумот учун, Фумио Кисида 4 октябрь куни бош вазир этиб сайланди. У Япониянинг 100-бош вазири бўлди. Бунга қадар Кисида ташқи ишлар вазири бўлиб ишлаган.
Фумио Кисидага қадар 2020 йилнинг сентябридан буён Япония Либерал-демократик партияси етакчиси Ёсихидэ Суга мамлакат ҳукуматига раҳбарлик қилган.
Изоҳ (0)