Уммон ва Эронга кучли «Шоҳин» тропик циклони урилди, 13 киши табиий офат қурбонига айланди, деб ёзмоқда BBC.
Қайд этилишича, Уммоннинг шимолий қирғоғида кенг кўламли сув тошқини содир бўлган. Кучли ёмғир ёғиб, шамол тезлиги соатига 150 километргача етган.
Уммон ҳукумати Шимолий ал-Батина провинциясида 7 киши ҳалок бўлгани ҳақида хабар берди. Яна тўрт киши кўчкилар оқибатида чўкиб кетган ёки ҳалок бўлган.
Хабар қилинишича, Эронда икки балиқчининг жасади топилган. Яна уч нафар балиқчи бедарак йўқолган.
Изоҳ (0)