Instagram: Лола Тошкентда концерт берди, Асал Шодиева эски миш-мишларга изоҳ берди, Гулчеҳра Эшонқулова қайнонаси билан муносабатлари ҳақида

Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларни эътиборингизга ҳавола этамиз.

Шаҳзода Матчоновага 101 та атиргулдан иборат гулдаста совға қилишди.

Хонанда Лола Тошкентда кичик концерт дастурини тақдим этди.

Феруза Норматова рўмол ўраганидан сўнг қалби хотиржам эканлиги ҳақида пост ёзди.

Ўзбекистон халқ артисти Юлдуз Усмонова «Мирзиёев» ёзуви туширилган худида кўриниш берди.

Бобур Йўлдошев Россияда ижодий сафарда бўлиб турибди.

Азиза Ёқубова Instagram ва Facebook ишламай қолганида оила аъзолари билан танишиб олганлар ҳақида ҳажвия тайёрлади.

Шаҳзода Муҳаммедова қизи Милана бир ярим ёшгача бир неча марта саёҳатга чиққани, у бундан хурсанд бўлишини ёзиб қолдирди.

Муниса Ризаева ва Moon Band ижросидаги «Қайтмайди кеч» деб номланган қўшиққа ишланган клип тизери эълон қилинди.

Шаҳзода ҳақиқий эркакларнинг онаси эканлигидан бахтни ҳис этишини маълум қилди.

Раъно Шодиева онасини туғилган куни билан табриклади.

Асал Шодиева тўйидан сўнг бир неча йил фарзанд кўрмагани ҳақида билиб-билмай турли миш-мишларни келтириб чиқарган интернет фойдаланувчиларига мурожаат қилди.

«Юрагимни тўлдирган бахтим ила оиламиз яна бир инсонга кўпайиши ҳақидаги янгиликни сизлар билан баҳам кўрмоқчиман. Омма учун қалбимдаги ҳисларимни сўз билан ифодалаш ҳар доим қийин бўлган. Сўнгги бир неча йил мобайнида менталитетимизнинг асоссиз маълумотларни тўплашга мойиллигидан хафа бўлардим, уйдирмалардан кулгим келарди. Афсуски, эҳтимол аср шунақадир, агар бирон маълумотни очиқдан очиқ рад этмасанг, уни ҳақиқат деб қабул қилишади. Турмуш ўртоғим билан оиламизнинг фалсафаси ота-оналар фарзанднинг туғилишига онгли равишда ёндошиш эканлиги ҳақида нима сабабдан кимгадир ҳисобот беришим керак, деб ўйлардим.

Афсуски, тўйдан бир неча ой ўтиб, фарзандли бўлмасанг, қандайдир муаммолар бор, деб қабул қилишади. Айрим экспертларнинг бахтига қарши, айтмоқчиманки, мен фарзандимни ҳеч қандай тиббий аралашувсиз, ўзим дунёга келтирдим. Аёлларни бир-бирини тушуниш ва қўллаб-қувватлашга чорлаган бўлардим», — деб ёзади Асал Шодиева.

Бўлажак рафиқасига 300 минг долларлик Bentley совға қилган тошкентлик тадбиркорнинг тўйига таклифнома ижтимоий тармоқларда муҳокамаларга сабаб бўлмоқда. Унинг кўриниши одатий таклифномалардан буткул фарқ қилади.

Марҳум MMA жангчиси Мурод Хонтўраевнинг рафиқаси Дилноза Хонтўраева турмуш ўртоғи узоқ яшай олмаслигини кўнгли сезганлиги ҳақида сўзлаб берди.

Гулчеҳра Эшонқулова қайнонаси билан муносабатлари ҳақида сўзлаб берди.