Бу машҳур ўқитувчилар оддий мактаб ходимларидан жаҳонга танилган юлдузларга айланди. Улар қандай қилиб ўз ҳаётини тубдан ўзгартирганини билиш қизиқми? Юлдуз-ўқитувчиларнинг бу ҳақидаги ҳикояларни эътиборингизга ҳавола этамиз.
Жин Симмонс
Минглаб одамлар олдида чиқиш қилишдан олдин бассист ва вокалист Kiss бир неча ой Нью-Йоркнинг Юқори Вест-Сайд туманида умумтаълим мактабининг 6-синфида дарс берган. «Олти ойдан кейин кетишимнинг сабаби – мен ўқитувчи бўлишимнинг ҳақиқий сабабини топдим», – дея тушунтирди Симмонс 1978 йил июнь ойидаги интервьюларининг бирида. «Бу мен саҳнага чиқишни ва одамлар мени танишини хоҳлаганим учун эди. Саҳна жуда кичик бўлгани учун кетишимга тўғри келди. Қирқ киши етарли эмас эди, мен 400 минг мухлисни хоҳлардим».
Сильвестр Сталлоне
18 ёшида «Рокки» телесериалининг сценарий муаллифи ҳамда бош қаҳрамони Швейцария қизлар мактаб-интернатига жисмоний тарбия ўқитувчиси ва ётоқхона хафвсизлик ходими сифатида ишга қабул қилинди. Таълим муассасасида ишлаш унга актёрликка бўлган муҳаббатни топишга ёрдам берди. Сильвестр бу севимли машғулотини жиддий қабул қилди ва ҳатто Майами театр университетига ўқишга кирди.
Шерил Кроу
Фото: Harper’s Bazaar
Ўтган асрнинг 80 йилларда бўлажак тўққиз карра «Грэмми» ғолибаси бутун ҳафта давомида мусиқадан дарс берган ва дам олиш кунлари концерт тақдим этган. Кейинчалик қўшиқчи ўқитувчилик фаолиятини ташлаб, ўзини бутунлай мусиқага бағишлади.
Билли Кристал
Машҳур актёрнинг ҳаётини ташкил этувчи кўплаб қизиқарли воқеалар орасида Лонг-Бичда ўқитувчи ўринбосари бўлиб ишлаган даврни мисол қилиш мумкин. Бу «Оскар» мукофотига тўққиз марта иштирок этган ва «Кечки шоу»да Жей Леноннинг биринчи меҳмони бўлган одам учун ажойиб бир ҳикоя.
Стивен Кинг
Ғайритабиий ва даҳшатли романлари билан танилган Кинг 1971 йил кузида ўқитувчиликни танлаб, ёзувчилик фаолиятини тарк этди. Стивен Мендаги Хемпден академиясида ўрта мактаб инглиз тили ўқитувчиси эди. У ўқитишни 1973 йилнинг баҳоригача давом эттирди, ўшанда «Керри» романининг катта савдоси уни ишдан бўшашга ва тўлиқ ёзишни бошлашга мажбур қилди.
Хью Жекман
Бродвей ва Голливудни забт этишдан олдин Жекман 1987 йилда Буюк Британиянинг Uppinham School мактаб-интернатида ёрдамчи ўқитувчи бўлиб ишлаган. Актёрнинг ўзи айтганидек, у 18 ёшли австралиялик эди, британиялик болаларига инглиз тилини ўргатган ва бу унга унчалик ҳам ёқмаган.
Лиам Нисон
Ўнлаб йиллар давомида Голливуд юлдузи бўлиш Нисонга ўқитувчи бўлиш учун сарфлаган икки йил билан таққослаганда ҳеч нарса эмас. Нисон ўқитувчиликни «энг оғир иш» деб билади.
Жоан Роулинг
Жоанга «Гарри Поттер» ғояси 1990 йилда Манчестердан Кингс-Кроссга поездда кетаётганида пайдо бўлган. Кейинги беш йил давомида ўзининг муваффақиятли китоблар сериясини тузди. Бу вақт ичида у ўз асарларини йиғди ва инглиз тилини ўргатиш учун Португалиянинг шимолига кўчиб ўтди. Ўша йилларда у турмушга чиқди, қизини дунёга келтирди, ажрашди ва Буюк Британияга қайтиб, Эдинбург мактабларида дарс берди. Лекин иложи борича ёзишга ҳаракат қилди. Ўқитувчилик танлови ёзувчининг омон қолишига ёрдам берган бўлса, Гарри Поттер сериали устида ишлашни давом эттириш оқилона қарор бўлган.
Изоҳ (0)