Иш ва ижод билан банд эканига қарамай, севимли машғулоти билан шуғулланишга вақт топишни уддасидан чиқадиган шоу-бизнес вакиллари ҳақида маълумот бериб ўтамиз.
Мадонна: От спорти
Хизмат сафарлари ва турли қизил йўлакларга боришдан бўш вақтида Мадонна от миниш спорти билан шуғулланади. Хонанданинг айтишича, унда бу қизиқиш болалигидаёқ пайдо бўлган. У илк марта от миниб кўрганидан кейин ушбу спорт билан шуғулланишини тушуниб етган.
Сара Жессика Паркер: велосипед миниш
Сара ҳар куни тонгни Нью-Йоркдаги марказий боғда югуришдан бошлайди ва имкон бўлиши билан велосипед ҳайдашга тушади. Болалигидан буён ушбу спорт турини яхши кўрадиган актриса, тоза ҳавода соатлаб велосипедда сайр қилиш унга туғруқдан кейин вазн ташлашга ёрдам берганини таъкидлайди.
Жизель Бундхен: сёрфинг ва йога
Аксарият бўш вақтини қирғоқда ўтказадиган модель, сёрфингнинг ашаддий мухлиси ҳисобланади. Қолаверса, бундан бир неча йил аввал йога билан жиддий шуғулланган Бундхен шундан буён ҳафтадаги 3-4 кунни тоза ҳавода машқлар бажаришга ажратади.
Мила Кунис ва Эштон Катчер: баскетбол
Фарзандли бўлишига оз қолган жуфтлик вақт топиши билан баскетбол ўйинларига боришни ёқтиради.
Дмитрий Медведев: суратга олиш
Дмитрий Медведев суратга олишга болалигиданоқ қизиқади. Бу шунчаки қизиқиш, эмас сиёсатчи очиқ осмон остидаги «Дунё россияликлар кўзи билан» номли ҳаваскорлар фотокўргазмасида иштирок этган. 2020 йилда у томонидан олинган суратлар Хитойнинг Хайнан провинциясида намойиш қилинган.
Тэйлор Свифт: пазандачилик
Тэйлор ишидан бўш вақтларида пазандачилик билан машғул бўлади. Дугоналар даврасида у мазали паста, пирог, торт ва бошқа егуликлар тайёрлайди.
Бейонсе ва Jay-Z: саёҳат
Instagram’даги саҳифасини кузатиб жуфтликнинг бўш вақтида саёҳат қилишини билиш мумкин. Улар биргаликда яхтадан сувга сакрашни, қумга кўмилиш ҳамда баланд тоғли чўққиларни забт этишни афзал билади.
Селена Гомес: пазандачилик
Пазандачилик Тэйлор сингари Гомеснинг ҳам жон-у дили. Селена актрисалик ва хонандаликдан ташқари Selena+Chef шоусини ҳам олиб боради. Машҳур ошпазлар билан уй бекаларига тўғри келадиган тажрибалар билан бўлишадиган Гомес пандемия вақтида шоуни видео мулоқот тарзида олиб борган. Шунингдек, хонанда носоғлом маҳсулотлар шоколад, попкорн ва ёғли таомларни яхши кўради.
Дуэйн Жонсон: бодибилдинг
Дуэйн Жонсон реслинг юлдузидан Голливуднинг «Янги Шварценеггер» ва бодибилдинг «иконя»сига айланган. У барча бўш вақтини спорт залда ўтказади. «Машғулотлар мени энергия билан таъминлаб, яшашга бўлган истак уйғотади», — деган актёр.
Том Фелтон: гольф
Том бўш вақтида бир қанча машғулотлар билан шуғулланиши мумкин. Мусиқа ёзиб басталайдиган актёр, кўп саёҳат қилишга ҳам улгуради. Гольф эса унинг энг севимли машғулоти ҳисобланади.
Изоҳ (0)