Жиззах вилоятининг Пахтакор туманида Hyundai юк машинаси тиркамасида юк автомобили олиб кетаётган «КамАЗ»га бориб урилиши оқибатида ҳайдовчилардан бири ҳалок бўлди. Бу ҳақда вилоят ЙҲХБ матбуот хизмати хабар берди.
Қайд этилишича, воқеа 20 сентябрь куни соат 00:55 лар атрофида Пахтакор тумани М-39 Тошкент—Термиз автомобиль йўлининг 957-километрида юз берган. Ҳайдовчи «КамАЗ-5410» юк машинасини бошқариб кетаётиб, белгиланган жойдан қайрилаётган вақтида ўша йўналиш бўйича ҳаракатланиб келаётган Hyundai юк машинаси «КамАЗ»нинг ён қисмига келиб урилган.
Оқибатда Hyundai юк машинасининг 25 ёшли ҳайдовчиси олган тан жароҳатларидан воқеа жойида ҳалок бўлган.
Хабарда қайд этилишича, ушбу ЙТҲга Hyundai ҳайдовчисининг чарчоқ аломатлари билан рулга ўтиргани сабаб бўлган.
Изоҳ (0)