Кинолардаги энг машҳур автомобиллардан бири ҳисобланувчи Aston Martin DB5 болалар учун мўлжалланган DB5 Junior номли янги версияга эга бўлди. 2:3 масштабда ишланган модель The Little Car Company ва EON Productions кинокомпанияси билан ҳамкорликда Жеймс Бонд ҳақидаги 25-фильм — «Ўлиш вақти эмас» премьераси муносабати билан тақдим этилган. Спорткарнинг митти нусхаси электродвигатель ёрдамида ҳаракатга келади ва «жосусларга хос» кўплаб гаджетлар билан жиҳозланган, деб хабар беради Motor.
Барча қурилмалар эшик қопламасига яширилган махфий панел ёрдамида бошқарилади. Митти DB5 бортида автомобиль ортида тутунли парда ҳосил қиладиган машинага ва алмашадиган машҳур давлат рақами белгиларига эга. Замонавий моделчада у оддий айланадиган барабан ўрнига суюқ кристалл экран сифатида ишланган. Яна бир ўзига хос жиҳати — Гатлингнинг бир жуфт ўйинчоқ пулемётлари бўлиб, тугмани босиш орқали у фараларга айланади: улар динамиклар ёрдамида отишма овозини ҳосил қилишга қодир.
Бундан ташқари, DB5 Junior «Ўлиш вақти эмас»нинг трейлеридаги «кулчалар» ҳаракатини бажаришга қодир алоҳида режимга эга бўлган. Машина соатига 72 километр тезликда ҳаракатланиш имконини берадиган 16 киловаттли электродвигатель билан жиҳозланган. Бир марта қувватланиш орқали автомобиль 130 километр йўл боса олади. Ота-она хавфсизлик нуқтаи назаридан электрокар имкониятларини сунъий чеклаб қўйиши мумкин.
Шунингдек, жамланмадан Brembo тормозлари, Bilstein «койловерлари» ва Smiths қурилмалари ўрин олган. Модель ҳақиқий Aston Martin ҳисобланади: унинг ҳар бир эгаси Британия маркаси клубининг аъзосига айланади. Машина нархи 90 минг фунт стерлингдан бошланади. Тиражи чекланган — 125 нусха.
Аввалроқ Bugatti’нинг болалар учун мўлжалланган автомобили Дубай аэропортининг расмий трансферига айланганди.
Мавзуга доир:
Изоҳ (0)