Буюк актёр ва актрисалар учун ижод – ҳаёт демакдир. Шунинг учун улар охиригача суратга тушишга қарор қилди.
Энтони Хопкинс, 83 ёшда
Энтони Хопкинс бу йил «Ота» фильмидаги роли учун «Оскар» мукофотини қўлга киритди. Фильмда ота Лондонда ёлғиз яшайди, қаҳрамоннинг ҳам исми Энтони. Лекин қизи унинг ёлғизлигидан хавотирда, чунки у яқинда кўчиб кетмоқчи. Қайсар ота эса ҳеч қайси ҳамширага рози эмас. Аслида Энтонининг аҳволи ёмонлашиб бормоқда, бу аста-секин уни ақлидан маҳрум этувчи прогрессив деменсия билан боғлиқ. Ота ролини ижро этган буюк актёрнинг режаларида яна кўплаб роль ва лойиҳалар мавжуд.
Жуди Денч, 86 ёшда
«Оскар», иккита «Олтин глобус» ва бир нечта Британия мукофотлари совриндори Жуди Денч 2021 йилнинг декабрь ойида 87 ёшга тўлади. Лекин энг такаббур журналистлар ҳам унинг карьерасини тугатиши ҳақида сўрашга ботинолмайди. Жуди эса ўз фаолиятини тугатиш ҳақида ўйламайди. Ҳатто кўриш қобилиятининг пасайгани ҳам уни безовта қилмайди – актриса бир неча йилдан буён ҳеч нарсани кўрмай қолган. Унга сценарийлар ўқиб берилади ва фильмларни томоша қилаётганда кўпроқ тинглашга ҳаракат қилади.
Жейн Фонда, 81 ёшда
Иккита «Оскар» ғолибаси Жейн фильмлар ва телешоуларда фаол иштирок этишда давом этмоқда. 2017 йилда у Венецияда «Бизнинг руҳимиз тунда» фильмини тақдим этди, у ерда Роберт Редфорд билан яна бир жуфтликни ўйнади. Жейнни ҳам ҳали олдинда бир неча лойиҳалар кутмоқда.
Мегги Смит, 84 ёшда
Даме Маргарет Натали Смит Британиянинг энг машҳур актрисаларидан бири. Етти марта BAFTA, иккита «Оскар», тўртта «Эмми» мукофоти совриндори. Мегги «Даунтон аббатлиги»да Ваёлет Кроули ролини моҳирона ижро этди. Ушбу образда ундан бошқа одамни тасаввур қилиш қийин. Шунингдек, унинг барча ролларига шундай таъриф бериш мумкин.
Дональд Сазерленд, 86 ёшда
Дональд Сазерленд 86 ёшда. Дастлаб у муҳандис бўлмоқчи эди, лекин унинг театрга бўлган муҳаббати устун келди ва Қироллик санъат академиясига ўқишга кирди. Унинг карьерасидаги биринчи роллари қўрқинчли фильм қаҳрамонлари эди, лекин «Ҳарбий дала касалхонаси» фильми чиққанидан кейин ҳаммаси ўзгарди. Унинг кўплаб ролларга қарамай, фильмографиясида битта ҳам «Оскар» йўқ. 2020 йил Дональд «Ортга қайтар» фильмида роль ўйнади, 2022 йилда эса уни Роланд Эммеричнинг «Ойнинг қулаши» фильмида кутиб қоламиз.
Клинт Иствуд, 91 ёш
«Бу ҳаётда бирор нарсага эришиш учун сизга кўп вақт берилмаслигини эсдан чиқармаслигингиз керак», – дейди актёр интервьюсида. Лекин унга етарли вақт берилган: актёр ва режиссёр аллақачон 91 ёшда. Шунингдек, у ижод қилишда давом этмоқда. Тез орада унинг янги «Эркакларнинг кўз ёшлари» фильми кинотеатрда ва HBO Max платформасида намойиш этилиши кутилмоқда.
Майкл Кейн, 88 ёш
Майкл Кейн ҳозир 88 ёшда. У кино саноатига 1946 йилда — 13 ёшида кириб келган. Аммо кейин танаффус қилди, 23 ёшида Майкл актёрликка қайтди ва касбини ҳанузгача ташламади. Машҳурлик унга 1966 йилда «Элфи»даги Дон Жуан роли билан бирга келган. Аммо у бош ролларни улуғвор ёшида ўйнаган. Тез орада «Бестселлер» фильми чиқади, у ерда Майкл узоқ вақт карьерасига тупурган қари ёзувчи ролини ўйнаган.
Иэн Маккеллен, 82 ёшда
Маккеллен Шекспир рэпертуарининг устаси сифатида тан олинди, шундан сўнг у катта бюджетли халқаро кинофильмларда иштироки туфайли бутун дунё бўйлаб шуҳрат қозонди. Айниқса, унинг «Узуклар ҳукмдори» фильмидаги ролини томошабинлар жуда яхши эслайди.
Бетти Уайт, 99 ёш
Бунга ишониш қийин, лекин Бетти 99 ёшда! Унинг луғатида «нафақа» сўзи йўқ. 2012 йилда Бетти Уайт шахсий телекўрсатувини ўтказа бошлади ва бундан олдин у 70 йилдан кўпроқ вақт фильмларда суратга тушган. Буларнинг барчаси 1950 йилларда «Елизавета билан ҳаёт» ситкомидаги ролдан бошланди, кейин суратга олиш ва телестудияларда тинимсиз ижод қилди. У роль ўйнади, овоз берди ва комедиялар ижро этди. У энг кекса «Эмми» номзоди сифатида тан олинган ва одамлар уни «кинонинг бувиси» деб аташади. У сўнгги пайтларда суратга тушмаган бўлса-да, мультфильмларга овоз бермоқда.
Морган Фримен, 84 ёшда
Морган Фримен 84 ёшда. Фримен дебютини 8 ёшида мактабда ўйнаган, лекин кейин ўқиш ўрнига армияда механик бўлиб хизмат қилди ва 60 йилларнинг бошларида Лос-Анжелесга кўчиб ўтди. У кинога бошқаларга нисбатан кечроқ келган. 1970 йилларда Фриман Америка телевидениесида шуҳрат қозонган ва муваффақиятли «Электр компанияси» сериалида ўйнаган. Ўтган йили Морган «Қотил хотинининг қўриқчиси» деб номланган фильмида роль ўйнади ва яқин келажакда у билан бир нечта янги лойиҳалар кутилмоқда.
Мавзуга доир:
Изоҳ (0)