«Буларнинг барчасидан шунчалик чарчадимки...». Буюк инсонларнинг ўлими олдидан айтган сўнгги сўзлари (фото)

Кўпчиликка ўлим арафасидаги инсоннинг кўзига нима кўриниши ёки нима дейиши қизиқ туюлади. Эҳтимол, бу жумлалар ким учундир ҳикмат, умр сўнгида айтиб олинадиган илинж ёки ҳаётда қандай яшаш лозимлиги ҳақида насиҳат бўлар.

Фрэнк Синатра: «Мен ўзимни йўқотяпман...»

Асосий касби киноактёр бўлган Фрэнк Синатра, шунингдек, қўшиқчи ва шоумен ҳам бўлган. У 1998 йилнинг 4 май куни 82 ёшида Лос-Анжелесда миокард инфаркти туфайли вафот этган.

Боб Марли: «Ҳаётни пулга сотиб ололмайсан»

Bob Маrley аnd The Wаilers гуруҳи асосчиси, таниқли мусиқачи Боб Марли Ямайкада туғилган. 11 нафар фарзанднинг отаси 1981 йил 11 майда саратон касаллиги туфайли касалхонада дунёдан кўз юмган.

Рафаэл Санти: «Бахтлиман»

«Сикстин мадоннаси» картинаси билан машҳур бўлган рассом 1520 йил 6 апрель куни 37 ёшида нафас олиш тизими яллиғланиши ва юқори тана ҳароратидан вафот этган.

Карл Маркс: «Сўнгги сўзларни ҳаётида етарлича гапира олмаган аҳмоқлар айтади»

Карл Гейнрих Маркс — немис файласуфи, социолог, иқтисодчи, ёзувчи, шоир, сиёсий журналист, тилшунос, жамоат арбоби, тарихчи. Фридрих Энгельснинг дўсти ва ҳаммаслаги, у билан «Коммунистик партия манифести»ни ёзган. «Капитал» асари муаллифи 1883 йил 14 мартда 64 ёшида ўпка яллиғланишидан вафот этган.

Уинстон Черчилль: «Буларнинг барчасидан шунчалик чарчадимки...»

Британиянинг давлат ва сиёсат арбоби, 1940—1945 ва 1951—1955 йилларда Буюк Британия бош вазири, захирадаги аскар, журналист, ёзувчи, рассом, Британия академиясининг фахрий аъзоси, адабиёт бўйича «Нобель» мукофоти лауреати 1965 йил 24 январда инсультдан ўлган.

Леонардо да Винчи: «Мен Худони ва одамларни ҳақорат қилдим, ахир асарларим орқали ўзим интилган юксакликка эриша олмадим»

Уйғониш даврининг буюк рассоми, ҳайкалтарош, меъмор ва олим, ихтирочи, ёзувчи, мусиқашунос Да Винчи 1519 йил 2 май куни 68 ёшида Клос-Люс қалъасида шогирдлари ва энг яхши асарлари қуршовида вафот этган.

Наполеон Бонапарт: «Франция, армия, армия раҳбари, Жозефина»

Француз императори, замонавий француз давлатининг пойдеворини қўйган қўмондон ва давлат арбоби 1821 йил 5 май, шанба куни, соат 17:49 да касалликдан вафот этган. Ўлимидан олдин алаҳлаб, тушунарсиз сўларни айтган.

Лучано Паваротти: «Мен мусиқа учун яшалган ҳаётни ажойиб, деб ҳисоблайман ва айнан шунинг учун ҳам унга бутун борлиғимни бағишлаганман»

ХХ асрнинг иккинчи ярмидаги энг машҳур опера хонандаларидан бири. Лучано Паваротти 2007 йил 6 сентябрь куни эрталабки соат 5 да, 72 ёшга тўлишидан бир ой олдин, Модена шаҳридаги уйида ошқозон ости бези саратонидан вафот этган.

Жорж Оруэлл: «Эллик ёшида ҳар ким ўзига муносиб ўринга эга бўлади»

Британиялик ёзувчи, журналист ва публицист. Унинг асарлари ёзиш услуби, тоталитаризмни танқид қилиш ва демократик социализмни қўллаб-қувватлаши билан ажралиб туради. «Молхона» асари муаллифи 50 ёшга ҳам тўлмай, 47 ёшида Лондонда сил касаллигидан вафот этган.

Владимир Набоков: «Бир капалак яқинлашиб келмоқда»

Россия ва Америка ёзувчиси, шоир, таржимон, адабиётшунос ва энтомолог. Адабиёт бўйича бир неча бор «Нобель» мукофотига номзод бўлган.

1975 йил июль ойида Набоков Швейцария тоғларида капалаклар йиғиш пайтида йиқилиб тушади, бу эса ёзувчининг соғлиғига жиддий путур етказади, оқибатда ёзувчи икки йил ўтиб — 1977 йил 2 июлда дунёдан кўз юмади.

Исаак Нютон: «Дунё мени қандай қабул қилганини билмайман. Мен ҳар доим ўзимни денгиз бўйида ўйнаб, чиройли тошлар ва чиғаноқларни қидириб юрган болакайга ўхшатардим, ўша вақтда кўз олдимда ҳақиқатнинг буюк океани номаълумлигича ястаниб ётарди»

Исаак Нютон — инглиз физиги, математик, механик ва астроном, классик физика асосчиларидан бири, физик қонунлар асосчиси. У Лондон яқинидаги Кенсингтон шаҳрида 1727 йил 20 мартда кечаси уйқусида ҳаётдан кўз юмган.

Бенжамин Франклин: «Ўлаётган одамга ҳеч нарса енгиллик беролмайди».

Америка Қўшма Штатлари асосчиси 84 ёшида ўлим тўшагида ётганида, нафас олиши осон бўлиши учун ўрнини ўзгартирмоқчи бўлган қизига юқоридагидек жавоб берадию, вафот этади.

Конан Дойл

Машҳур детектив романлар муаллифи боғда дам олиб ўтирганида тўсатдан хотинига ўгирилиб: «Сен мўъжизасан» дейди ва кўкрагини чангаллаган ҳолда вафот этади.

Эрнест Хемингуэй: «Хайрли тун, мушукчам», хотинига шу сўзларни айтиши биланоқ ёзувчи бошига ўқ узади.

Эдит Пиаф: «Ҳаётда қилинган барча аҳмоқликлар учун жавоб беришга тўғри келади»

Машҳур француз хонандаси ва кино актрисаси 1963 йил 10 октябрь куни 47 ёшида жигар етишмовчилиги туфайли юзага келган аневризма туфайли дунёдан кўз юмган.