Жадаллашган техниканинг киносаноатга таъсири натижасида бир нечта актёрларнинг ўлимидан кейинги фильмнинг саҳналардаги ўрни компьютер графикаси ёрдамида жонлантирилишига ёрдам берган актёрлар ҳақида маълумот бериб ўтамиз.
Пол Уокер
Автоҳалокатда вафот этган Пол Уокер «Форсаж»нинг еттинчи қисмида суратга тушишга улгурмаган. Аммо ижодкорлар мухлислар қалбидан жой олган актёрни алмаштирмасликка қарор қилган. Лента тақдимотини бир неча ойга суриб, мутахассислар компьютер графикаси ёрдамида унинг рақамли нусхасини яратган. Ака-ука Уокерлар кинематографларга ёрдам бериб, бир неча саҳнада дублёр сифатида чиқиш қилган.
Питер Кушинг
1970 йиллар охирида Питер «Юлдузлар жанги»да Мофф Таркин ролини ижро қилган. Машҳур саганинг биринчи қисмини суратга олиш вақтида, 1994 йилда ҳаётдан кўз юмган. Аммо замонавий технологиялар ёрдамида актёрнинг рақамли дублёрини яратишнинг уддасидан чиқилган.
Хит Лежер
Кўпчилик ҳалигача Жокер роли Хит Лежернинг карьерасидаги сўнгги роли деб ҳисоблайди, аммо бундай эмас. Актёр 2008 йил 28 январда «Доктор Парнасснинг хаёлоти« фильмининг устида ишлаш жараёнида вафот этган. Лежернинг иштироки муҳим ҳисоблангани сабаб сюжетдан унинг қаҳрамони чиқариб юборилмаган. Қисмлардан бири графика ёрдамида якунланган, аммо финалида бошқа бир актёр суратга тушган. Энг қизиғи хит қаҳрамонини Жонни Депп, Жуд Лоу ва Колин Фаррел сингари юлдузлар гавдалантирган. Сценарий муаллифлари картинанинг асосий ўзига хослигини шу йўсинда сақлаб қолишга уринган.
Брендон Ли
«Қарға» фильми экран юзини кўрмасиданоқ, бош қаҳрамон роли ижрочиси суратга олиш майдончасида ҳаётдан кўз юмган. Отишма саҳнасида тўппончанинг тиқини ишламай қолган, оқибатда Брендан вафот этган. Суратга олиш жараёни пардозчиларнинг маҳорати ва компьютер графикаси ёрдамида давом эттирилган.
Оливер Рид
Оливер Рид «Гладиатор» фильмида қаҳрамонининг ролини охирига еткизмай суратга олиш майдончасида юрак хуружидан вафот этган. Режиссёр Ридли Скотт юлдузни компьютер графикаси ёрдамида кўринишини яратиш студияга 3 миллион долларга тушишини таъкидлаган. Шунга қарамай қарор қабул қилинган. Натижада ишлов берилган саҳналарни ҳақиқий Рид иштирокидагисидан фарқлаш имконсиз бўлган.
Изоҳ (0)