Футбол бўйича Италия А Сериясининг 3-туридан ўрин олган ўйинда «Ювентус» 11 сентябрь, шанба куни «Наполи» билан баҳс юритди.
Неаполда ўтган беллашув 2:1 ҳисобида мезбонларнинг ғалабаси билан якунланди. Дастлаб 10-дақиқида ҳимоячиларнинг хатосидан фойдаланиб, ҳисобни очди. Бироқ иккинчи бўлимда Маттео Политано дарвозабондан қайтган тўпни голга айлантирди. Ўйин тугаши арафасида эса «Ювентус» футболчилари жарима зарбасида тушунарсиз ҳаракат қилди, бундан эса Калиду Кулибали унумли фойдаланди ва ҳисобни 2:1 кўринишига олиб келди.
Шу тариқа «Ювентус» Криштиану Роналду жамоадан кетганидан сўнг А Серияда кетма-кет иккинчи ўйинда мағлубиятга учратди.
Ғалабадан кейин «Наполи» 9 очко билан мусобақа жадвалида 1-ўринда бормоқда. «Ювентус» эса 1 очко билан 16-поғонада бормоқда.
А Серия
11 сентябрь, шанба
3-тур баҳси
«Наполи» – «Ювентус» 2:1
Голлар: 0:1 – 10 Мората, 1:1 – 57 Политано, 2:1 – 85 Кулибали.«Наполи» – Оспина, Ди Лоренцо, Манолас, Кулибали, Мариу Руй (Малкюи, 90), Фабиан Руис, Замбо-Ангисса, Элмаз (Унас, 46), Инсинье (Зелиньски, 73), Политано (Лосано, 72), Осимҳен (Петанья, 90).
«Ювентус» – Шченсни, де Шилё, Кьеллини, Бонуччи, Пеллегрини (де Лигт, 57), Рабьо, Локателли, Маккенни (Рэмзи, 72), Кулусевски, Мората (Кин, 82), Бернардески.
Огоҳлантиришлар: Элмаз (31), Локателли (45), Лосано (88).
Изоҳ (0)