Ижтимоий тармоқларда Тошкент шаҳрида мактаб ўқувчилари ўртасида оммавий муштлашув содир бўлганлиги ҳақидаги хабар остида вояга етмаганлар иштирокидаги жанжал акс этган видео тарқалди. Мазкур видеотасвир юзасидан Тошкент шаҳар ИИББ ахборот хизмати хабар қилди.
Қайд этилишича, видеода акс этган ҳодиса «Мактаб» номли сериалнинг суратга олиш жараёнидаги ҳолат бўлиб, август ойининг охирларида Мирзо Улуғбек туманида тасвирга олинган.
Сценарий бўйича мактаб ўқувчилари ўртасидаги жанжал вақтида ўқувчилардан бирининг укаси ҳимоя қилиши керак бўлган кадр акс этган. Сериални суратга олишга жалб этилган актёрлардан бири ушбу жараённи ўзининг телефонига тасвирга олиб, интернет тармоғига жойлаштирган.
Бундан аввал Бухоро шаҳар ҳокимлиги биноси яқинида оммавий муштлашув бўлиб ўтгани, Наманганда банк раҳбари фуқарони калтаклагани тасвирланган видео тарқалгани ҳамда Қашқадарёда алимент қарздорлигини ундиришга келган МИБ ходимини темир бўлаги билан урган шахсга жиноят иши қўзғатилгани ҳақида хабар берилганди.
Изоҳ (0)