Xiaomi технологик гиганти автомобиль соҳасига киришга тобора яқинроқ қолмоқда. Смартфонлар ва бошқа электроника воситаларини ишлаб чиқариш билан шуғулланувчи компания Xiaomi EB Inc. бўлинмасини яратган бўлиб, «ақлли» машиналарни яратиш ва ишлаб чиқариш билан шуғулланади. CNBC маълумотларига кўра, автомобиль яратиш устида 300 дан ортиқ ходим иш олиб бормоқда, деб хабар беради Motor.
Xiaomi’нинг автомобиль ишлаб чиқаришга ихтисослашган бўлинмасини устав фонди 1,55 миллиард долларни ташкил этади, кейинги ўн йил давомида хитойликлар унга яна 10 миллиард доллар сармоя киритишни режалаштирган. Янги бўлинмаган компания директори Лей Цзюннинг ўзи раҳбарлик қилади.
Xiaomi’нинг маълум қилишича, сўнгги беш ой ичида электрокар қандай бўлиши борасида «катта миқдорда фойдаланувчилар тадқиқотлари» ва шериклар билан музокаралар ўтказилган. Аввалроқ бу SAE International шкаласи бўйича тўртинчи даражадаги автоном автомобиль бўлиши айтилганди. У машина инсон аралашувисиз белгиланган маршрут бўйича ҳаракатланишини таъминлайди.
Рақибларга келинадиган бўлса, инсайдерларнинг прогнозига кўра, Xiaomi автомобиль саноатидан ҳозирча узоқ бўлган Apple’ни ортда қолдириши мумкин. Айрим маълумотларга кўра, Apple компанияси 2024—2025 йилларда ўзининг биринчи ҳайдовчисиз электромобилини тақдим этади.
Изоҳ (0)