UzAuto Motors Тожикистонда тўртта Chevrolet моделини сотишни бошлади, деб хабар беради компания матбуот хизмати.
Қўшни мамлакатда сотувга чиққан моделлар — Spark, Cobalt, Nexia ва Lacetti.
Маълум бўлишича, Lesinvest компаниянинг расмий дистрибютори сифатида Тожикистонда Chevrolet сегментациясидаги автомобилларни сотиш ва хизмат кўрсатиш бўйича фаолиятни бошқариб боради.
Компания автомобилларни рақобатбардош нархларда сотишни таъминлаш мақсадида дилерлик тармоғини ривожлантириш ва Тожикистон банклари билан ҳамкорликда кредит дастурларини ишга туширишни режалаштирган.
«Шунингдек, Lesinvest Chevrolet автомобилларининг нархлар ва сифат борасидаги рақобатбардош устунлиги ёрдамида тожик бозорида унинг савдолар ҳажмини ошириш ва позициясини мустаҳкамлашни режалаштирмоқда», — дейилади UzAuto Motors хабарида.
Шу билан бирга, айни вақтда Ўзбекистонда Chevrolet’нинг мазкур моделларини харид қилишга бўлган навбат бир неча мингдан ошган. UzAutoSavdo маълумотларига кўра, Lacetti’ни харид қилиш учун навбатда турганлар сони 31 мингга, Cobalt учун 11 мингга етган.
Мавзуга доир:
Изоҳ (0)