Facebook энг кўп кўрилган контент ҳақидаги биринчи ҳисоботини эълон қилди, хабар беради «VC.ru». Таъкидланишича, ижтимоий тармоқ энди ҳар чоракда мазкур ҳисоботини тақдим этади — у ҳозирча фақат АҚШ, кейинчалик бошқа мамлакатларни ҳам қамраб олади.
Ҳисобот 2021 йил 1 апрелдан 30 июнигача АҚШда янгиликлар лентасида оммавий контентни, шу жумладан, тавсия этилган контентдан келиб чиқиб тайёрланган. Рекламага оид статистикалар ҳисоботдан жой олмаган.
Тадқиқот натижаларига кўра, кўрилган хабарларнинг 57 фоизи фойдаланувчининг дўстлари ёки улар кузатадиган одамларга тегишли. 19,3 фоизи — гуруҳлар, 14,3 фоизи — турли саҳифалардир.
Энг кенг тарқалган контентнинг асосий қисми (87,1 фоизи) ташқи ҳаволаларга эга эмас.
Ҳаволали постлар контентнинг 12,9 фоизини ташкил этади: уларнинг 2,3 фоизи — фойдаланувчи обуна бўлган дўстлари саҳифасида, 6,6 фоизи эса гуруҳларда.
Шунингдек, ижтимоий тармоқ энг кўп кўрилган постларда учрайдиган топ-20 ҳаволани тақдим этган — уларга умумий кўришларнинг 0,1 фоизи тўғри келади холос.
Энг кўп тарқалган ҳаволалар — Player Alumni Resources сайти бўлиб, уни 87,2 миллион киши кўрган. Иккинчи ўринни каннабис ёғини сотадиган дўкон эгаллаган — 72,1 миллион. Учинчи ўриндан эса 62,7 миллион карта кўришлар сони билан ЮНИСЕФнинг Ҳиндистондаги COVID-19 билан боғлиқ ҳисоботи ўрин олган.
Аввалроқ Facebook блогерларнинг бонуси учун 1 млрд доллар ажратиши тўғрисида хабар берилганди.
Изоҳ (0)