Мансур Қиличев Ўзбекистоннинг Жазоирдаги биринчи элчиси этиб тайинланди
Ўзбекистоннинг Жазоирдаги биринчи элчиси (қароргоҳи Қоҳира шаҳрида) Мансур Қиличев 4 май куни Жазоир ташқи ишлар, хориждаги ватандошлар ва Африка ишлари вазири Аҳмад Аттафга ишонч ёрлиқлари нусхаларини топширди. Бу ҳақда “Дунё” хабар берди.
Қисқа маросимдан сўнг бўлиб ўтган суҳбатда томонлар Ўзбекистон ва Жазоир ўртасидаги ҳамкорликни кенгайтириш истиқболларини муҳокама қилди. Жазоир ташқи ишлар вазири Аҳмад Аттаф сиёсий алоқалар даражасини юқори баҳолаб, савдо-иқтисодий ва бошқа йўналишлардаги ҳамкорликни чуқурлаштириш муҳимлигини таъкидлади.
Вазирнинг қайд этишича, ҳозирги вақтда ўзаро савдо ҳажми икки мамлакат салоҳиятига мос эмас. Унинг айтишича, тоғ-кон саноати ва геология, фармацевтика ҳамда тўқимачилик саноати каби йўналишларда катта имкониятлар мавжуд.
Аҳмад Аттаф 50 миллион аҳолига эга Жазоирда Ўзбекистон тўқимачилик компаниялари ишлаб чиқаришни йўлга қўйиб, кейинчалик маҳсулотни Африка бозорига божсиз экспорт қилиши мумкинлигини билдирди. Шунингдек, у мамлакат иқтисодий зоналарида савдо уйлари, омборхоналар ва кўргазма залларини ташкил этиш, ишбилармонлар кенгашини шакллантириш ҳамда ҳукуматлараро комиссия фаолиятини йўлга қўйишни таклиф қилди.
Суҳбатда таълим, тиббиёт ва парламентлараро ҳамкорлик йўналишларини кенгайтириш масалаларига ҳам алоҳида эътибор қаратилди. Аҳмад Аттаф президент Шавкат Мирзиёев раҳбарлигида Ўзбекистонда амалга оширилаётган ислоҳотлар ва мамлакат тараққиётини юқори баҳолашини билдирган.
Учрашув якунида Жазоир ташқи ишлар вазири Ўзбекистон ташқи ишлар вазирининг мамлакатга ташрифини кутаётганини маълум қилиб, ҳамкасбига самимий саломини етказишни сўради. Шунингдек, у Ўзбекистон элчисининг Жазоирдаги фаолияти учун барча зарур шароитларни яратиш ва амалий ёрдам кўрсатишга тайёрлигини билдирди.
47 ёшли Мансур Қиличев Тошкент давлат шарқшунослик университети битирувчиси ҳисобланади. У 2002-йилдан буён Ташқи ишлар вазирлиги тизимида ишлаб келмоқда ва Саудия Арабистони ҳамда Дубайдаги дипломатик ваколатхоналарда фаолият юритган, 2021 йил октябридан буён эса Ўзбекистоннинг Мисрдаги фавқулодда ва мухтор элчиси лавозимида ишлаб келмоқда.
_Octobank_узб.jpg)
Octobank Жанубий Кореядан HUMO карталарига E9PAY орқали пул ўтказмаларини йўлга қўйди
Гемоглобин етишмаслигини қандай аниқлаш мумкин ва уни кўтариш учун нима қилиш керак?
Тошкентда 100 дан ортиқ дарахт экилди: бизнес шаҳар экологик муаммоларини ҳал этишга қўшилмоқда
American University of Technology 31 майгача ҳужжат топширганларга чекланган 25% грантни таклиф этади
Ўзбекистон
Мансур Қиличев Ўзбекистоннинг Жазоирдаги биринчи элчиси этиб тайинланди
У Жазоир ташқи ишлар вазирига ишонч ёрлиқлари нусхаларини топширди. Томонлар савдо, саноат ва таълим йўналишларида икки томонлама ҳамкорликни кенгайтириш масалаларини муҳокама қилди.
Қашқадарёда ноқонуний балиқ овлаш оқибатида табиатга 12,7 млрд сўм зарар етказилди
Ўзбекистонда жисмоний шахсларнинг ўз банк карталари ўртасидаги пул ўтказмалари комиссиясиз амалга оширилади
Ўзбекистонда энди бизнес пешлавҳалари реклама сифатида баҳоланмайди
Ўзбекистонликлар Саудия Арабистонига тиббиёт ва қурилиш соҳасига ишга юборилади
Дунё
Австралия қирғоқларида яхта тўсиққа урилгач, чўкиб кетди
Эрон Тель Авивгача етиб борадиган янги дронини намойиш қилди
110 трлн доллар ворислари: АҚШда бойликлар турли авлод вакиллари орасида қандай тақсимланган?
Ғазо лагерларида тери касалликлари тарқалмоқда
Британия Россия армиясига мигрантларни ёллаган 35 нафар шахс ва ташкилотларга санкция киритди
Тақиққа учраганлар одамларни урушнинг олдинги чизиқларига “ем” сифатида юбориш билан шуғулланган. Асосан Сомали, Сурия ва Яман каби давлатлардан мигрантлар олиб келинган.
Дарё+
Сукунат ичидаги саросима: Путин фитна ёки давлат тўнтаришидан жиддий ташвишда(ми)?
Ҳар йили 9 май Москва учун куч, қудрат ва ҳарбий салобат намойиши бўлиб келган эди. Аммо бу сафар рамзий сана устига кўзга кўринмас, аммо сезилаётган хавф соя солаётгандек. Хўш, бундай қатъий чоралар аслида нимадан дарак беради? Қуйида Россия элитаси ичидаги пинҳона “уруш” ва Кремлни қамраб олган қўрқув ҳақида сўз юритилади.
Уруш ичидаги яширин уруш: Ироқ қандай қилиб Эрон ва Форс кўрфази давлатлари ўртасидаги полигонга айланди
“Популистлар илҳом манбайидан айрилди”. Виктор Орбаннинг кетиши Европада қандай баҳоланмоқда?
Моссад Эрон ядро дастурининг “миялари”ни қандай йўқ қилган?
Қон билан ёзилган ваъда: АҚШ тарихидаги энг мураккаб қидирув миссиялар
Лайфстайл ва Маданият
Гемоглобин етишмаслигини қандай аниқлаш мумкин ва уни кўтариш учун нима қилиш керак?
Гемоглабиннинг асосий вазифаси нафас олаётганимизда кислород молекулалари билан бирлашиб, уларни қон оқими билан бирга орган ва тўқималарга олиб бориш ва озиқлантиришдан иборат.
Келажак архитектураси: интернетда шов-шув бўлган ғаройиб уй лойиҳаси ҳақида нималар маълум
“Ёғоч тухум” — инсон ва табиат уйғунлиги акс этган ноодатий уй ҳисобланади.
Видеолар
Уч болали аёлга «Президент совғаси» сифатида берилган уй тортиб олиняпти
«Тож Маҳал бўп кетибди» — Имом Бухорий мажмуасидан репортаж
У Биринчи жаҳон урушида театр қўйган. Ҳамза уй-музейидан репортаж
Эрон Трампнинг хатосига айланадими?
