Футбол бўйича Ўзбекистон Суперлигасининг 15-туридан ўрин олган уч ўйин 13 август, жума куни бўлиб ўтди.
Фото: «Пахтакор ФК»
«Бунёдкор» Олмалиқда «Металлург» билан куч синашди ва 2:0 ҳисобида ғалаба қозонди. Дастлаб Фаррух Икромов 51-дақиқада ҳисобни очди. 72-дақиқада эса унинг ўзи Миржаҳон Мираҳмадовга ассистентлик қилди.
Ушбу ғалабадан кейин «қалдирғочлар» мусобақа жадвалида 22 очко билан 6-ўринга кўтарилди. Бекобод клуби эса 16 очко билан 9-поғонани банд этган.
«Пахтакор» Тошкентда «Машъал»ни 1:0 ҳисобида енгиб, пешқадамликни мустаҳкамлаб олди. Беллашувдаги ягона гол 32-дақиқада Драган Черан томонидан киритилди.
«Пахтакор» мазкур ғалабадан кейин 41 очко билан якка пешқадам бўлиб турибди. Ҳисобида 13 очко бўлган муборакликлар эса 12-ўриндан жой олган.
«Сурхон» «Андижон» билан баҳс юритиб, ишончли ғалабани қўлга киритди. 45-дақиқада Ҳусниддин Ғофуров ҳисобни очган бўлса, 76-дақиқага келиб, Мурод Бобожонов орадаги фарқни оширди.
«Сурхон»га ушбу ғалаба 11-ўринга кўтарилиш имконини берди (14 очко). «Андижон» эса 9 очко билан сўнгги, 14-ўринни банд этган.
Суперлига
15-тур баҳслари13 август, жума
«Машъал» — «Пахтакор» 0:1
Гол: 0:1 – 32 Черан.«Машъал»: 12. Шоҳрух Эшбўтаев, 2. Зафарбек Акрамов, 7. Ифеаний Ифеаний, 9. Ойбек Нурматов, 11. Самюэль Онониву, 15. Муҳаммадали Алиқулов, 19. Қаҳрамон Баҳодиров, 20. Худоёрхон Саъдуллаев, 22. Сирожиддин Қўзиев, 23. Самандар Шукуруллаев, 33. Сирожиддин Аллаев.
«Пахтакор»: 35. Санжар Қувватов, 3. Ҳожиакбар Алижонов, 7. Одилжон Ҳамробеков, 8. Азизбек Турғунбоев, 10. Драган Черан, 11. Боян Матич, 16. Марлен Чобанов, 23. Шерзод Аъзамов, 27. Сардор Собирхўжаев, 28. Диёр Холматов, 34. Фаррух Сайфиев.
«Сурхон» — «Андижон» 2:0
Голлар: 1:0 – 45 Ғофуров, 2:0 – 76 Бобожонов.«Сурхон»: 12. Рустам Нортожиев, 2. Муроджон Тўйчибоев, 4. Жавоҳир Соҳибов, 5. Жасурбек Ёқубов, 6. Алишер Салимов, 7. Исломжон Тошпўлатов, 9. Низомжон Норов (11. Зохир Пиримов, 61), 14. Жасур Холтўраев, 19. Нуриддин Ҳасанов, 20. Ҳусниддин Ғофуров, 80. Никита Павленко (10. Муродбек Бобожонов, 70).
«Андижон»: 1. Элдор Адҳамов, 2. Сардор Хурсандов, 4. Усмонали Усмоналиев, 5. Абдувоҳид Ғуломов, 6. Иброҳим Отахонов (70. Диёр Раҳимқулов, 46), 7. Шерзод Ғуломжонов, 8. Бахтиёр Қосимов, 9. Павел Забелин, 10. Владислав Василев, 18. Абдуғани Камолов (14. Василий Совпел, 46), 49. Пламен Димов.
«Бунёдкор» — «Металлург» 2:0
Голлар: 1:0 – 51 Икромов, 2:0 – 72 Мираҳмадов.«Бунёдкор»: 71. Сарвар Каримов, 4. Давронжон Эргашев, 6. Авазбек Ўлмасалиев, 9. Фаррух Икромов, 13. Лутфулла Тўраев, 14. Миржаҳон Мираҳмадов, 17. Одилжон Абдураҳмонов, 26. Улуғбек Абдуллаев, 30. Абдулла Абдуллаев, 34. Суҳроб Иззатов (8. Санжар Рашидов, 60), 49. Иброҳим Томива.
«Металлург»: 1.Акмал Турсунбоев, 7.Руслан Розиев (90. Абдураҳмон Абдулҳақов, 65), 10.Шаҳзодбек Нурматов, 21.Камолиддин Тожиев, 22.Шаҳзод Тожиев, 28.Станислав Андреев, 30.Иброҳим Ибрагимов, 48.Дилшод Раҳматуллаев, 55.Акбар Исматуллаев, 80.Фаррух Иброҳимов (6. Худойшукур Сатторов, 46), 98.Дамир Темиров.
Четлатиш: Дамир Темиров, 18.
Изоҳ (0)